Lower prices for electric vehicles and mobile phones

2025 ലെ ബജറ്റില്‍ ഇലക്ട്രോണിക് വാഹനങ്ങള്‍ക്ക് പ്രോത്സാഹനം. ഇലക്ട്രോണിക് വാഹനങ്ങള്‍ക്കും മൊബൈല്‍ ഫോണുകള്‍്ക്കും വില കുറയും. 9 ഉത്പന്നങ്ങള്‍ ഡ്യൂട്ടി രഹിത കയറ്റുമതി പട്ടികയിലേക്ക്. ലിഥിയം അയേണ്‍ ബാറ്ററുകളുടെ വിലകുറയും. ലിഥിയം അയോണ്‍ ബാറ്ററി ഉത്പാദഗനത്തിന് പ്രോത്സാഹിപ്പിക്കുന്നതിന്റെ ഭാഗമായി നടപടി. 38 മൂലധന ഉത്പന്നങ്ങള്‍ കൂടി നികുതികളില്‍ നിന്നൊഴിവാക്കി.

36 ജീവന്‍ രക്ഷാ മരുന്നുകളെ കസ്റ്റംസ് നികുതിയില്‍ നിന്ന് ഒഴിവാക്കും.കാന്‍സര്‍ ഉള്‍പ്പെടെയുള്ള രോഗികള്‍ക്ക് പ്രയോജനം ലഭിക്കും. ആറ് ജീവന്‍ രക്ഷാ മരുന്നുകള്‍ക്ക് കസ്റ്റംസ് തീരുവ കുറച്ചു. ഉത്പന്നങ്ങളുടെ വില്‍പനയ്ക്ക് ടി ഡി എസും ടി സി എസും ബാധകമാക്കി. അതേസമയം രാജ്യം പുതിയ ആദായ നികുതി നയത്തിലേക്കെന്ന് ധനമന്ത്രി നിര്‍മല സീതാരാമന്‍. പുതിയ ബില്ല് അടുത്താഴ്ച. ഇന്‍ഷുറന്‍സ് മേഖലയില്‍ 100 ശതമാനം പ്രത്യക്ഷ വിദേശ നിക്ഷേപത്തിലേക്ക്. ഇന്‍ഷുറന്‍സ് മേഖലയിലെ വിദേശ നിക്ഷേപരിധി 74 ശതമാനത്തില്‍ നിന്ന് 100 ശതമാനമാക്കി.

പുതിയ ആദായ നികുതി ബില്ലില്‍ ലളിതമായ വ്യവസ്ഥകളാകുമെന്ന് ധനമന്ത്രി. വ്യക്തിഗത ആദായ നികുതി പരിഷ്‌കാരം അവസാനം. ധന കമ്മി കടം കുറയ്ക്കുന്ന തരത്തിലേക്ക് പുനക്രമീകരിക്കും. കസ്റ്റംസ് താരിഫ് പ്രായോഗികമാക്കുമെന്ന് ധനനമന്ത്രി പറഞ്ഞു. സുസ്ഥിര വികസനം ലക്ഷ്യമിട്ടാണ് ബജറ്റിലെ പ്രഖ്യാപനങ്ങള്‍. രാജ്യത്തിന്റെ വികസനത്തിനുള്ള എല്ലാ സാധ്യതകളും ഉപയോഗിക്കുമെന്ന് ധനമന്ത്രി പ്രഖ്യാപിച്ചു.