'ഒറ്റകെട്ടായി ക്യാൻസറിനെ പ്രതിരോധിക്കാം' ഒക്ടോബർ മൂന്ന് വെള്ളിയാഴ്‌ച

03 Oct 2025 02:18 IST

Share News :

മസ്‌കറ്റ്: 'ഒറ്റകെട്ടായി ക്യാൻസറിനെ പ്രതിരോധിക്കാം' വർധിച്ചു വരുന്ന സ്‌തനാർബുദത്തിനെതിരെ ബോധവൽക്കരണവുമായി ഒമാൻ കാൻസർ അസോസിയേഷന്റെ (OCA) പിന്തുണയോടെ 'വിംഗ്‌സ് ഓഫ് വിമൻസ് വേൾഡ്' മായി സഹകരിച്ച് ഒക്ടോബർ മൂന്ന് വെള്ളിയാഴ്‌ച്ച വൈകുന്നേരം ആറ് മണിമുതൽ കോളേജ് ഓഫ് ബാങ്കിങ് ആൻഡ് ഫിനാൻസ് ഓഡിറ്റോറിയത്തിൽ ബോധവൽക്കരണ ക്യാമ്പ് നടക്കും. ബർക്കത്ത് അൽ നൂർ ക്ലിനിക്ക് സംഘടിപ്പിച്ചിരിക്കുന്ന ക്യാമ്പ് ജനങ്ങളിൽ അവബോധം പ്രചരിപ്പിക്കുന്നതിനും സമൂഹത്തെ കാൻസറിൽ നിന്ന് സ്വയം സംരക്ഷിക്കാൻ സഹായിക്കുന്നതിനുമുള്ള സംരംഭമാണ്.

ഒമാനിലെ ഇന്ത്യൻ സ്ഥാനപതി ജി.വി ശ്രീനിവാസ്, പ്രമുഖ വ്യവസായി ഡോക്ട‌ർ പി.മുഹമ്മദാലി, ഒമാൻ ക്യാൻസർ അസോസിയേഷൻ സ്ഥാപക യുത്തർ അൽ റവാഹി, സിനിമാ താരം പ്രിയങ്ക നായർ, മസ്‌കറ്റ് കോളേജ് ഡയറക്‌ടർ ബോർഡ് അംഗം ബുതൈന അഹമ്മദ് അൽ ഗസാലി എന്നിവർ ചടങ്ങിൽ സംബന്ധിക്കും. പരിപാടിയുടെ ഭാഗമായി ബോധവൽക്കരണ സെഷനുകളുണ്ടാകും. ഒപ്പം അവബോധം പ്രചരിപ്പിക്കുന്നതിൽ സംഭാവന നൽകിയ മാധ്യമ പ്രവർത്തകർ അടക്കമുള്ള വ്യക്തികളെ ആദരിക്കും.

ഓരോ സ്ത്രീയും സ്‌തനാർബുദത്തെക്കുറിച്ച് ബോധവാന്മാരായിരിക്കുകയും സ്വയം പരിശോധന നടത്തുകയും ചെയ്യേണ്ടത് പ്രധാനമാണെന്ന് ബരാകത്ത് അൽ നൂർ ക്ലിനിക്കിൽ 33 വർഷത്തിലേറെയായി സേവനം അനുഷ്‌ഠിക്കുന്ന സ്‌തനാർബുദ രോഗനിർണയത്തിൽ വിദഗ്ദ്ധയുമായ, ഡോ. രാജശ്രീ നാരായണൻകുട്ടി പറഞ്ഞു. കാൻസർ അവബോധം വ്യാപിപ്പിക്കുന്നതിൽ ശ്രദ്ധാലുക്കളായ ഡോ. രാജശ്രീ, ആരോഗ്യകരമായ ജീവിതശൈലിയും പതിവ് പരിശോധനയും പ്രതിരോധത്തിന് പ്രധാനമാണെന്നും നേരത്തെയുള്ള കണ്ടെത്തലാണ് ഏറ്റവും പ്രധാനപ്പെട്ട ഘടകങ്ങളെന്നും കൂട്ടിച്ചേർത്തു.

ലോകമെമ്പാടുമുള്ള സ്ത്രീകളെ ശാക്തീകരിക്കുന്നതിനും ഉന്നമനത്തിനുമായി സമർപ്പിച്ചിരിക്കുന്ന, സ്ത്രീകൾക്കായി സ്ത്രീകൾ സ്ഥാപിച്ച ലാഭേച്ഛയില്ലാതെ പ്രവർത്തിക്കുന്ന സംഘടനയാണ് വിംഗ്‌സ് ഓഫ് വിമൻസ് വേൾഡ്. 2020 സെപ്റ്റംബറിൽ ഒമാനിലെ ഡോ. രശ്‌മി കൃഷ്‌നും ഡോ. രാജശ്രീ നാരായണക്കുട്ടിയും ഖത്തറിൽ നിന്നുള്ള ഷീജ ഡാനിയേലും ചേർന്നാണ് ഈ കൂട്ടായ്‌മ രൂപീകരിച്ചത്.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags: