സോഹാറിൽ 'ല മോദാ ' കലാ മത്സരം അരങ്ങേറി

സൊഹാർ: കുട്ടികൾക്കും മുതിർന്നവർക്കും വേണ്ടി വ്യത്യസ്ഥ മത്സരയിനങ്ങൾ കോർത്തിണക്കി 'സൊഹാറിയൻസ് കല' സംഘടിപ്പിച്ച ലാ മോദാ എന്ന പരിപാടി വേറിട്ട അനുഭവമായി. സോഹാർ ലുലു ഹാളിൽ അരങ്ങേറിയ പരിപാടി ജന പങ്കാളിത്തം കൊണ്ടും പരിപാടിയുടെ വ്യത്യസ്ഥത കൊണ്ടും ശ്രദ്ധിക്കപ്പെട്ടു.

ബാത്തിനോത്സവത്തിന്റെ പ്രചാരണർത്ഥമാണ് പരിപാടി സംഘടിപ്പിച്ചത്, വൈകുന്നേരം 3 മണിക്ക് ഹരികുമാർ സ്വാഗതം പറഞ്ഞു കൊണ്ട് ആരംഭിച്ച പരിപാടിയിൽ കരോക്കെ ഗാന മത്സരം, ഫാഷൻ ഷോ, എന്നിവ വിവിധ കാറ്റഗറികളിലായി അരങ്ങേറി.

നൂറിൽ പരം മത്സരാർഥികൾ പങ്കെടുത്തു. മസ്കറ്റിൽനിന്നുളള വിധികർത്താക്കളായിരുന്നു വിധി നിർണ്ണയിച്ചത്. കൊച്ചു കുട്ടികളുടെ ഫാഷൻ ഷോ വലിയ കരഘോഷത്തോടെയാണ് കാണികൾ എതിരേറ്റത്. വിവിധ പ്രായക്കാർക്കുള്ള മത്സരങ്ങളിൽ ആവേശത്തോടെയാണ് മത്സരാർഥികൾ മാറ്റുരച്ചത്. സൊഹാറിയൻസ് കലാ ട്രിപ്പിൾ എ ഇവന്റ്സുമായി സഹകരിച്ചാണ് പരിപാടി സംഘടിപ്പിച്ചത്.

കരോക്കെ ഗാന മത്സരവും ഉയർന്ന നിലവാരം പുലർത്തി സുഷാം, സുബാഷ്, ജിമ്മി സാമുവൽ,കൃഷ്ണപ്രസാദ്, ലിൻസി, ഹസിദ, സജി,സുരേഷ്, സുനിൽകുമാർ, ഷൈജു, രാജേഷ്, കുഞ്ഞിരാമൻ, രാഹുൽ, കൃഷ്ണൻ, കൂടാതെ സൊഹാറിയൻസ് കലയുടെ മറ്റു പ്രവർത്തകരും പരിപാടിക്ക് നേതൃത്വം നൽകി. ചടങ്ങിൽ ബത്തിനാ സഹൃദ വേദി പ്രവർത്തകരായ രാജേഷ് കാബൂറ, മുരളികൃഷ്ണൻ, സജീഷ് ജി ശങ്കർ, വാസുദേവൻ, സിറാജ് തലശ്ശേരി എന്നിവർ ബത്തിനൊത്സവത്തിനെക്കുറിച്ചു വിശദമായി സംസാരിച്ചു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaoman

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕