പ്രവാസി ക്ഷേമ പ്രവർത്തനങ്ങൾക്ക് കൂട്ടായ ശ്രമം ആവശ്യം: കെ.വി. അബ്ദുൽ ഖാദർ

ചാവക്കാട്: പ്രവാസി ക്ഷേമ- പുനരധിവാസ പ്രവർത്തനങ്ങളിൽ കേന്ദ്രഗവണ്മെൻ്റിൻ്റെ വിഹിതം ഉറപ്പുവരുത്തുവാൻ പ്രവാസി സംഘടനാ കൂട്ടായ്മകൾ ശ്രമിക്കേണ്ടതാണെന്ന് കേരള പ്രവാസി വെൽഫെയർ ബോർഡ് ചെയർമാൻ കെ.വി. അബ്ദുൽ ഖാദർ പറഞ്ഞു.

ചാവക്കാട് എം.കെ. മാളിൽ നമ്മൾ ചാവക്കാട്ടുകാർ ഒരാഗോള സൗഹൃദക്കൂട്ട് ഒമാൻ ചാപ്റ്റർ സംഘടിപ്പിച്ച കേരള പ്രവാസി ക്ഷേമനിധി അംഗത്വ ക്യാമ്പ് ഉദ്ഘാടനം ചെയ്തു സംസാരിക്കുകയായിരുന്നു കേരള പ്രവാസി വെൽഫെയർ ബോർഡ് ചെയർമാനും മുൻ ഗുരുവായൂർ എം.എൽ.എ യുമായ കെ.വി. അബ്ദുൽ ഖാദർ. 60 വയസു കഴിഞ്ഞ പ്രവാസികൾക്ക് പെൻഷൻ നൽകാനാവാത്തത് സാമ്പത്തിക സ്ഥിതി അനുകൂലമല്ലാത്തതുകൊണ്ടാണെന്നും, പരിഗണിക്കപ്പെടേണ്ടതാണ് മുതിർന്ന പൗരന്മാരുടെ പ്രശ്നങ്ങളെന്നും അദ്ദേഹം കൂട്ടിച്ചേർത്തു.

സംസ്ഥാന ചരിത്രത്തിൽ ഇദം പ്രഥമമായി ഒരു സാമൂഹ്യ സംഘടന സൗജന്യമായി പ്രവാസി പെൻഷന് രെജിസ്ട്രേഷൻ നടത്തിയെന്ന ഖ്യാതി നമ്മൾ ചാവക്കാട്ടുകാർ ഒരാഗോള സൗഹൃദക്കൂട്ട് ഒമാൻ ചാപ്റ്റർ സ്വന്തമാക്കിയ ചടങ്ങിൽ, ഷാഹുൽ വി.സി.കെ. അദ്ധ്യക്ഷതവഹിച്ചു. ബദറുദ്ദീൻ ഗുരുവായൂർ ആമുഖ പ്രഭാഷണം നിർവ്വഹിച്ചു. ബുഷ്റ ലത്തീഫ് (സ്റ്റാന്‍ഡിങ്ങ് കമ്മിറ്റി ചെയര്‍ പെഴ്‌സണ്‍), രാജൻ മാക്കൽ, ഇൽയാസ് ബാവു,ഫൈസൽ കാനാമ്പുള്ളി, ഫിറോസ് തൈപ്പറമ്പിൽ, സി.എം. ജനീഷ്, ഹക്കീം ഇമ്പാർക്ക്, ജാഫർ കണ്ണാട്ട്, ആർ.വി.സി.ബഷീർ, മുഹമ്മദുണ്ണി (അൽ അമാനി), ഹരിദാസ് പാലക്കൽ തുടങ്ങിയവർ പ്രസംഗിച്ചു.

ഷെബീർ ശോഭ ഡിജിമാക്സ്, സുഭാഷ് പൂക്കാട്ട്, പി.കെ.ഫസലുദ്ദീൻ, സി.പി. ബാബു, സി.എം.മുജീബ്, അക്ബർ, റഹീം മണത്തല, അരുൺ സുബ്രഹ്മണ്യൻ, അർഫാൻ ആഷിക്ക്, സിന്ധു സുഭാഷ്, അനീഷ ബദർ, തസ്നി സലീം,ഗായത്രി സുബ്രഹ്മണ്യൻ, നീഷ്‌മ സനോജ്, ഷഫീറ ആഷിക്ക്, ആയിഷ നസീർ, രമ്യകൃഷ്ണ തുടങ്ങിയവർ നേതൃത്വം നൽകി.

ക്യാമ്പിൽ ഇരുന്നൂറോളം പേർ റെജിസ്റ്റർ ചെയ്തു. അടുത്ത ദിവസങ്ങളിൽ റോയൽ വി ഹെൽപ്പിൽ സേവനം തുടർന്നും ലഭ്യമാവുമെന്ന് സംഘാടകർ അറിയിച്ചു.

✳️✳️✳️✳️✳️✳️✳️✳️✳️

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

https://www.facebook.com/MalayalamVarthakalNews