Kerala Chief Minister Pinarayi Vijayan

മസ്‌കറ്റ്: ഗൾഫ് സന്ദർശനത്തിന്റെ ഭാഗമായി മൂന്നു ദിവസത്തെ സന്ദർശനത്തിനായി മുഖ്യമന്ത്രി പിണറായി വിജയൻ ഒമാനിലെത്തി. മസ്‌കറ്റ് അന്താരാഷ്ട്ര വിമാനത്താവളത്തിൽ ഇന്ത്യൻ സ്ഥാനപതി ജി.വി. ശ്രീനിവാസ്, സോഷ്യൽ ക്ലബ് ഭാരവാഹികൾ തുടങ്ങിയവർ ചേർന്ന് മുഖ്യമന്ത്രിയെ സ്വീകരിച്ചു. സോഷ്യൽ ക്ലബ് ഒമാൻ ചെയർമാൻ ബാബു രാജേന്ദ്രൻ, ഇന്ത്യൻ കമ്യൂണിറ്റി ഫെസ്റ്റിവൽ സംഘാടകസമിതി ചെയർമാൻ വിൽസൺ ജോർജ്, ഇന്ത്യൻ സോഷ്യൽ ക്ലബ് ഒമാൻ കേരളാവിങ് കൺവീനർ അജയൻ പൊയ്യാറ തുടങ്ങിയവർ മുഖ്യമന്ത്രിയെ സ്വീകരിക്കാൻ വിമാനത്താവളത്തിലെത്തി.

വെള്ളിയാഴ്‌ച വൈകിട്ട് മസ്‌കറ്റിലും ശനിയാഴ്‌ച വൈകിട്ട് സലാലയിലും മുഖ്യമന്ത്രി പ്രവാസികളെ അഭിസംബോധന ചെയ്യും. വെള്ളിയാഴ്‌ച വൈകിട്ട് ഏഴു മണിക്ക് മസ്‌കറ്റിലെ അമരാത്ത് മുനിസിപ്പൽ പാർക്കിൽ ഇന്ത്യൻ കമ്മ്യൂണിറ്റി ഫെസ്റ്റിവൽ മുഖ്യമന്ത്രി ഉദ്ഘാടനം ചെയ്യും. ഇന്ത്യൻ സോഷ്യൽ ക്ലബ് കേരളാ വിങ്ങാണ് പരിപാടി സംഘടിപ്പിക്കുന്നത്. ഇരുപത്തിയാറു വർഷത്തിന് ശേഷമാണ് കേരളത്തിൽനിന്ന് ഒരു മുഖ്യമന്ത്രി മസ്കറ്റിലെത്തുന്നത്. ഇതിനു മുൻപ് 1999-ൽ ഇ.കെ. നായനാർ ആണ് അവസാനമായി മസ്‌കത്ത് സന്ദർശിച്ച കേരള മുഖ്യമന്ത്രി.

സലാലയിൽ നടക്കുന്ന പ്രവാസോത്സവത്തിൽ പങ്കെടുക്കാനായി മുഖ്യമന്ത്രി നാളെ സലാലയ്ക്ക് പോകും. ഗൾഫ് സന്ദർശനത്തിൻ്റെ ഭാഗമായി മുഖ്യമന്ത്രി സന്ദർശിക്കുന്ന രണ്ടാമത്തെ രാജ്യമാണ് ഒമാൻ. ഈ മാസം പതിനേഴിന് മുഖ്യമന്ത്രി ബഹ്റൈൻ സന്ദർശിച്ചിരുന്നു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags:

Kerala Chief Minister Pinarayi Vijayan arrives in Oman as part of his visit to the Gulf

More in Related News