ജ്വാല ഫലജ് കുടുംബ സ്നേഹ സംഗമം അരങ്ങേറി

സൊഹാർ: ജ്വാല ഫലജ് കുടുംബ സ്നേഹ സംഗമം അരങ്ങേറി. ഫലജിലെ റോയൽ ഗാർഡൻസ് ഹോട്ടൽ ഗ്രൗണ്ടിൽ നടന്ന സ്നേഹ സംഗമം വൈകീട്ട് ആറ് മണിക്ക് ആരംഭിച്ചു.

അവന്തിക സുരേഷ് അവതരിപ്പിച്ച ഭരത നാട്യവും നയോമി നരേഷ് ഒരുക്കിയ കുച്ചുപ്പുടിയും കാണികൾക്ക് ദൃശ്യ വിരുന്നൊരുക്കി. തുടർന്ന് സൊഹാർ നവജ്യോതി ഡാൻസ് സ്കൂൾ വിദ്യാർത്ഥികളും ഫലജ് കൈരളി കലാകാരന്മാരും വിവിധങ്ങളായ ഡാൻസ് പരിപാടികൾ അവതരിപ്പിച്ചു.

സാംസ്‌കാരിക സമ്മേളനം മസ്‌കത്തിലെ സാംസ്‌കാരിക പ്രവർത്തകനും മലയാള മിഷൻ ഒമാൻ പ്രസിഡന്റുമായ സുനിൽ കുമാർ ഉദ്ഘാടനം ചെയ്തു.

മുഹമ്മദ് സിയാദിന്റെ അദ്ധ്യക്ഷതയിൽ ചേർന്ന യോഗത്തിൽ മലയാള മിഷൻ ഒമാൻ സെക്രട്ടറി അനു ചന്ദ്രൻ, ബാത്തിനോത്സവം ജനറൽ കൺവീനർ രാമചന്ദ്രൻ താനൂർ, സാമൂഹ്യ പ്രവർത്തകരായ രാജേഷ് കാബൂറ, തമ്പാൻ, സിറാജ് തലശ്ശേരി, സജീഷ് ജി ശങ്കർ, വാസുദേവൻ, മജീദ്, ഷാജഹാൻ എന്നിവർ ആശംസകൾ നേർന്നു.

ജൂനിയർ ഐഡിയ സ്റ്റാർ സിംഗർ ഫൈയിം അനന്ത പത്പനാഭൻ, സാൽസൺ പന്തളം, രാഹുൽ, സിറാജ്, ഗായികമാരായ സൗമ്യ നായർ, അപർണ്ണ, ആർച്ച ശ്രീകുമാർ എന്നിവരടങ്ങുന്ന സൊഹാർ വിങ്ങ്സ്ട്രിങ് ടീം ഒരുക്കിയ ഗാനമേള വേദിയിൽ നടന്നു.

പരിപാടിയുടെ മുന്നോടിയായി നടന്ന വടം വലി മത്സരത്തിൽ വിജയിച്ചവർക്കും കുടുംബ സ്നേഹ സംഗമത്തിൽ പരിപാടികൾ അവതരിപ്പിച്ച കലാകാരന്മാർക്കും സമ്മാനങ്ങൾ വിതരണം ചെയ്തു.

സൈന സുലൈമാൻ അവതാരകയായിരുന്ന ചടങ്ങിൽ മുതിർന്ന സാമൂഹ്യ പ്രവർത്തകനായ മജീദ് ആർ. എ യെ പൊന്നാട അണിയിച്ചു ആദരിച്ചു. സുരേഷ് സ്വാഗതവും, രാജേഷ് ഫലജ് നന്ദിയും പറഞ്ഞു.

റിപ്പോർട്: റഫീഖ് പറമ്പത്ത്.

⭕⭕⭕⭕⭕⭕⭕⭕⭕ For: News & Advertisements: +968 95210987 / +974 55374122

ഗൾഫ് വാർത്തകൾക്കായി https://enlightmedia.in/news/category/gulf

https://www.facebook.com/MalayalamVarthakalNews?mibextid=kFxxJD

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

⭕⭕⭕⭕⭕⭕⭕⭕⭕

Tags: