വേൾഡ് മലയാളി ഫെഡറേഷൻ സുഹാർ സ്റ്റേറ്റ് കൗൺസിൽ ഹരിതം 2025” സംഘടിപ്പിച്ചു

സുഹാർ: വേൾഡ് മലയാളി ഫെഡറേഷൻ സുഹാർ സ്റ്റേറ്റ് കൗൺസിൽ അഗ്രികൾച്ചറൽ ഫോറത്തിന്റെ ആഭിമുഖ്യത്തിൽ കൃഷി വിജ്ഞാന പരിപാടി ആയ “ഹരിതം 2025” സുഹാറിൽ സംഘടിപ്പിച്ചു.

വേൾഡ് മലയാളി ഫെഡറേഷൻ സുഹാർ സ്റ്റേറ്റ് കൗൺസിൽ വിമൻസ് ഫോറം കോർഡിനേറ്റർ വിനീത നായർ അവതാരക ആയ പരിപാടി അർത്ഥ നായരുടെ പ്രാർത്ഥന ഗാനത്തോടെ ആരംഭിച്ചു.

സുഹാറിലെ വിവിധ മേഖലയിലും സംഘടനകളിലും പ്രവർത്തിക്കുന്ന കൃഷിയെ സ്നേഹിക്കുന്ന നിരവധി ആളുകൾ ഈ പരിപാടിയുടെ ഭാഗമായി.

വേൾഡ് മലയാളി ഫെഡറേഷൻ സുഹാർ സ്റ്റേറ്റ് കൗൺസിൽ പ്രസിഡന്റ് വിനോദ് നായരുടെ അധ്യക്ഷതയിൽ നടന്ന “ഹരിതം 2025” ൽ ഒമാനിലെ പ്രശസ്ത പ്രവാസി കർഷകനും വേൾഡ് മലയാളി ഫെഡറേഷൻ നാഷണൽ കൗൺസിൽ അഗ്രികൾച്ചറൽ ഫോറം കോർഡിനേറ്റർ ആയിരുന്ന അസീസ് ഹാഷിം (ചീക്ക) മുഖ്യ അതിഥി ആയി. “ഹരിതം 2025” ന്റെ ഉത്ഘാടനം വോൾഡ് മലയാളി ഫെഡറേഷൻ നാഷണൽ കൗൺസിൽ വൈസ് പ്രസിഡന്റ് മനോജ് കുമാർ നിർവഹിച്ചു.

അസീസ് ഹാഷിം (ചീക്ക) നേതൃത്വം നൽകിയ കൃഷി വിജ്ഞാന പരിപാടിയിൽ

ഒമാൻ, മസ്ക്കറ്റ് കൃഷിക്കൂട്ടങ്ങളിലെ അംഗമായ സിനി ടി തോമസും വേൾഡ് മലയാളി ഫെഡറേഷൻ സുഹാർ സ്റ്റേറ്റ് കൗൺസിൽ അഗ്രികൾച്ചറൽ ഫോറം കോർഡിനേറ്ററും ഒമാൻ, മസ്ക്കറ്റ് കൃഷിക്കൂട്ടങ്ങളിലെ അംഗവുമായ രമ്യ ദ്യുപിനും ക്ളാസുകൾ എടുത്തു. ആധുനിക ലോകത്ത് ജൈവ കൃഷിയുടെ പ്രാധാന്യം ഓരോ വ്യക്തിയും സ്വന്തമായി കൃഷി ചെയ്യേണ്ടതിന്റെ ആവിശ്യം മണ്ണിലും ചട്ടിയിലും കൃഷി ചെയ്യുന്ന രീതികൾ, മണ്ണ് ഒരുക്കൽ, വിത്ത് ഇടൽ രീതികൾ, വിത്ത് മുളപ്പിക്കൽ, ജൈവ വളപ്രയോഗം എന്നിവയേ കുറിച്ച് ഇവർ വിശദീകരിച്ചതിനൊപ്പം ആളുകൾക്ക് കൃഷിയേ കുറിച്ചുള്ള സംശയങ്ങൾക്കുള്ള മറുപടിയും നൽകി. “ഹരിതം 2025” ൽ റെജിസ്റ്റർ ചെയ്ത അംഗങ്ങൾക്കുള്ള സൗജന്യ വിത്ത് വിതരണവും ഈ പരിപാടിയുടെ ഭാഗമായി നടന്നു. സൗജന്യ വിത്തിന്റെ ആദ്യ വിതരണം അസീസ് ഹാഷിം നിർവഹിച്ചു. തുടർന്ന് വേൾഡ് മലയാളി ഫെഡറേഷൻ സുഹാർ സ്റ്റേറ്റ് കൗൺസിൽ എക്സിക്ക്യൂട്ടീവ് കമ്മിറ്റി അംഗങ്ങളായ സുനിൽ കുമാർ, ജിതേഷ് മോഹൻദാസ്, റിജു വൈലോപ്പിള്ളി, ദ്യുപിൻ കെ എസ്, സ്മിത കവിരാജ് എന്നിവർ വിത്തുകൾ വിതരണം ചെയ്തു.

കൃഷി വിജ്ഞാനത്തെ കുറിച്ച് ക്ളാസ്സുകൾ എടുത്തവരെ വേൾഡ് മലയാളി ഫെഡറേഷൻ നാഷണൽ കൗൺസിൽ വെൽഫേയർ ഫോറം കോർഡിനേറ്റർ എം കെ രാജൻ, സുഹാർ സ്റ്റേറ്റ് കൗൺസിൽ എക്സിക്ക്യൂട്ടീവ് കമ്മിറ്റി അംഗങ്ങളായ രാജേഷ് പാലക്കാട്, ജൂഡി ജോസഫ് എന്നിവർ ഉപഹാരങ്ങൾ നൽകി ആദരിച്ചു.

സുഹാറിലെ വിവിധ സാമുഹിക സാംസ്കാരിക സംഘടനകളുടെ ഭാരവാഹികൾ ആശംസകൾ നേർന്നു. സുഹാർ മലയാളി സംഘം ജനറൽ സെക്രട്ടറി വാസുദേവൻ പിട്ടൻ, നവചേതന സുഹാറിന്റെ സെക്രട്ടറി ഹരികൃഷ്ണൻ, കെ എം സി സി പ്രസിഡന്റ് മുഹമ്മദ് ബാവ ഹാജി, സുഹാറിലെ സാമൂഹ്യ പ്രവർത്തകൻ വാസുദേവൻ നായർ, ഫ്രൻഡ്സ് ഓഫ് സുഹാർ സെക്രട്ടറി സുനിൽ ഡി ജോർജ്, സുഹാർ സ്റ്റാർ യുണൈറ്റഡ് മാനേജിങ്ങ്‌ ഡിറക്ടർ സുരേഷ് ഉണ്ണി എന്നിവർ പ്രസംഗിച്ചു. വേൾഡ് മലയാളി ഫെഡറേഷൻ സുഹാർ സ്റ്റേറ്റ് കൗൺസിൽ സെക്രട്ടറി സജീഷ് കുമാർ കൃതജ്ഞത രേഖപ്പെടുത്തി.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕