Fraud case against actor Nivin Pauly and director Ebrid Shine; notice issued to appear for interrogation.

തലയോലപ്പറമ്പ് : നടൻ നിവിൻ പോളിക്കും സംവിധായകൻ എബ്രിഡ് ഷൈനും എതിരെയുള്ള വഞ്ചനാ കേസിൽ ചോദ്യം ചെയ്യലിന് ജൂലൈ 29 ന് ഹാജരാകണമെന്ന് കാട്ടി തലയോലപ്പറമ്പ് പോലീസ് ഇരുവർക്കും നോട്ടീസ് നൽകി. തലയോലപ്പറമ്പ് സ്വദേശിയായ നിർമ്മാതാവ് നൽകിയ പരാതിയിലാണ് പോലീസ് ഇരുവർക്കും നോട്ടീസ് നൽകിയത്. ആക്ഷൻ ഹീറോ ബിജു 2 സിനിമയുടെ നിർമ്മാണത്തിൻ്റെ പേരിൽ ഒരുകോടി 90 ലക്ഷം രൂപ തട്ടിയെടുത്തെന്നാണ് പരാതി.തുടർന്

തലയോലപ്പറമ്പ് പോലീസ് സാമ്പത്തിക തട്ടിപ്പ് കേസ് രജിസ്റ്റർ ചെയ്യുകയായിരുന്നു. എബ്രിഡ് ഷൈൻ്റെ സംവിധാനത്തിൽ നിർമ്മിക്കുന്ന

ആക്ഷൻ ഹീറോ ബിജു 2 സിനിമയിൽ നിർമ്മാണ പങ്കാളിയാക്കാമെന്ന് വാക്ക് നൽകിയ ശേഷം 2024 ഏപ്രിൽ മാസം മുതൽ കഴിഞ്ഞ മാസം 30 വരെ ഈ സിനിമയുടെ ചിത്രീകരണത്തിനായി 1.90 കോടി രൂപ തലയോലപ്പറമ്പ് സ്വദേശിയായ നിർമ്മാതാവിനെ കൊണ്ട് ചിലവഴിപ്പിക്കുകയായിരുന്നു. സിനിമയുടെ ടൈറ്റിൽ എബ്രിഡ് ഷൈൻ്റെ പ്രൊഡക്ഷൻസിൻ്റെ ബാനറിൽ നിന്നും നിർമ്മാതാവിൻ്റെ സ്ഥാപനമായ ഇന്ത്യൻ മൂവി മേക്കേഴ്സിൻ്റെ ബാനറിലേക്ക് കേരള ഫിലിം ചേമ്പർ ഓഫ് കൊമേഴ്സിൽ കത്ത് നൽകി മാറ്റിയ ശേഷം സിനിമയുടെ ബഡ്ജറ്റ് സംബന്ധിച്ച് ഇവർ തമ്മിലുണ്ടായ അഭിപ്രായ വ്യത്യാസത്തെ തുടർന്ന് ഇന്ത്യൻ മൂവിമേക്കേഴ്സ് ബാനറിൽ രജിസ്റ്റർ ചെയ്തത് മറച്ച് വച്ച ശേഷം മുൻ കരാർ കാണിച്ച് ദുബൈയിൽ പ്രവർത്തിക്കുന്ന മറ്റൊരു പ്രൊഡക്ഷൻ കമ്പനിക്ക് പോളി ജൂനിയേഴ്സ് എന്ന സ്ഥാപനത്തിന് സിനിമയുടെ അവകാശം ഉണ്ടെന്ന് തെറ്റിദ്ധരിപ്പിച്ച് വിതരണ അവകാശം നൽകി വഞ്ചന നടത്തുകയും വാങ്ങിയ പണം മടക്കി നൽകാതെയും വന്നതോടെ നിർമ്മാതാവ് വൈക്കം കോടതിയിൽ കേസ് ഫയൽ ചെയ്യുകയും ഇത് തലയോലപ്പറമ്പ് പോലീസിന് കൈമാറുകയുമായിരുന്നു. തുടർന്ന് കഴിഞ്ഞ 17 ന് പോലീസ് കേസ് രജിസ്റ്റർ ചെയ്യുകയുമായിരുന്നു.

Tags:

നടൻ നിവിൻ പോളിക്കും സംവിധായകൻ എബ്രിഡ് ഷൈനും എതിരെയുള്ള വഞ്ചനാ കേസ്;ചോദ്യം ചെയ്യലിന് ഹാജരാകാൻ നോട്ടീസ് നൽകി.

More in Related News