Fitness teacher dies after collapsing at school in Kottayam

കോട്ടയം: കോട്ടയത്ത് കായികാധ്യാപിക സ്കൂളില്‍ കുഴഞ്ഞുവീണു മരിച്ചു. ചങ്ങനാശേരി പറാല്‍ പാറത്തറ വീട്ടില്‍ മനു ജോണ്‍ (50) ആണ് മരിച്ചത്. മുൻ അത്ലറ്റായ മനു ജോണ്‍ എംജി സർവകലാശാലാ ക്രോസ് കണ്‍ട്രി ടീം മുൻ ക്യാപ്റ്റനാണ്. 24 വർഷമായി തെങ്ങണ ഗുഡ് ഷെപ്പേഡ് പബ്ലിക് സ്കൂള്‍ ആൻഡ് ജൂനിയർ കോളജിലെ കായികാധ്യാപികയായിരുന്നു. ഇന്നലെ രാവിലെ ഒമ്പതോടെ സ്കൂളില്‍ കുഴഞ്ഞു വീഴുകയായിരുന്നു.

ഉടൻ ആശുപത്രിയില്‍ പ്രവേശിപ്പിച്ചെങ്കിലും മരിച്ചു.ഒളിംപ്യൻ അഞ്ജു ബോബി ജോർജിനൊപ്പം പരിശീലനം നടത്തുകയും മത്സരങ്ങളില്‍ പങ്കെടുക്കുകയും ചെയ്തിട്ടുണ്ട്.

മുൻ അത്‌ലറ്റായ മനു നിരവധി ദേശീയ മത്സരങ്ങളിലെ സ്ഥിരം മെഡല്‍ ജേതാവ് ആയിരുന്നു. മധ്യദീര്‍ഘ ദൂര മത്സരങ്ങളില്‍ കേരളത്തിനായി നിരവധി മെഡല്‍ നേടിയ മനു സ്‌കൂള്‍ തലത്തില്‍ ചങ്ങനാശേരി സെന്റ് ജോസഫ് സ്‌കൂളിലും, യൂണിവേഴ്‌സിറ്റി തലത്തില്‍ ചങ്ങനാശേരി അസംപ്ഷന്‍ കോളജിൽനിന്നുമാണു മത്സരിച്ചിരുന്നത്.

മുന്‍ യൂണിവേഴ്‌സിറ്റി കോച്ച്‌ പരേതനായ പി.വി വെല്‍സിയുടെ കീഴില്‍ മനുവിന് ഒപ്പം അഞ്ജു ബോബി ജോര്‍ജും, അജിത് കുമാര്‍, ചാക്കോ, സിനി ഉള്‍പ്പെടെ നിരവധി താരങ്ങള്‍ ആയിരുന്നു പരിശീലനത്തിന് എന്‍.എസ് .എസ് കോളജില്‍ ഒപ്പമുണ്ടായിരുന്നത്. വൈകീട്ട് പറാല്‍ സെന്റ് ആന്റണീസ് പള്ളിയില്‍ സംസ്കരിക്കും.