Fire Services State Sports Ujjwala concludes Palakkad with an Overall title.

ഫയർ സർവ്വീസ്സ് സംസ്ഥാന കായികളക്ക് ഉജ്ജ്വല സമാപനം പാലക്കാടിന് ഓവറോൾ കിരീടം.

27 Oct 2024 13:05 IST

Share News :

Fire Services State Sports Ujjwala concludes Palakkad with an Overall title.

മുക്കം : (കോഴിക്കോട്) മൂന്ന് ദിവസമായി നടന്ന ഫയർ സർവീസ്, ഹോം ഗാർഡ്, സിവിൽ ഡിഫെൻസ് സംസ്ഥാന കായികമേള ഉജ്ജ്വല സമാപനം. പാലക്കാട് മേഖല സ്പോർട്സ് ഓവറോൾ കിരീടം ചൂടി. കോഴിക്കോട് മെഡിക്കൽ കോളേജ് ഒളിമ്പ്യൻ റഹ്മാൻ സ്റ്റേഡിയം, സെന്റ് ജോസഫ് ദേവഗിരി കോളേജ് ഗ്രൗണ്ട് എന്നിവിടങ്ങളിലായി നടന്ന കായിക മേളയിലാണ് ഫയർ സർവീസ്, ഹോം ഗാർഡ് വിഭാഗങ്ങളിൽ പാലക്കാട് കുതിപ്പിലൂടെ മേധാവിത്വം നേടിയത്.. ആതിഥേയരായ കോഴിക്കോട് രണ്ടാം സ്ഥാനവും എറണാകുളം മൂന്നാം സ്ഥാനവും നേടി. സിവിൽ ഡിഫെൻസ് വിഭാഗത്തിൽ കോഴിക്കോടാണ് ചാമ്പ്യൻമാരായത്. ഇന്നലെ നടന്ന ഫുട്ബാൾ ടൂർണമെന്റിൽ പാലക്കാടിനെ പരാജയപ്പെടുത്തി എറണാകുളം ചാമ്പ്യന്മാരായി. ആവേശകരമായ വോളിബോൾ ടൂർണമെന്റിൽ ആതിഥേയരായ കോഴിക്കോട് ഫൈനലിൽ കണ്ണൂരിനെ പരാജയപ്പെടുത്തിയാണ് ട്രോഫിയിൽ മുത്തമിട്ടത്. ആവേശകരമായ സിവിൽ ഡിഫെൻസ് വടംവലി മത്സരത്തിൽ പുരുഷ -വനിതാ വിഭാഗങ്ങളിൽ കോഴിക്കോടാണ് കിരീടമണിഞ്ഞത്. വിജയികൾക്ക് ഫയർ ആൻഡ് റെസ്ക്യൂ സർവീസസ്ഡയറക്ടർഅഡ്മിനിസ്ട്രേഷൻ അരുൺ അൽഫോൺസ് സമ്മാന വിതരണം നടത്തി. അടുത്ത മാസം തൃശൂർ അക്കാദമിയിൽ വെച്ച് ഡ്യൂട്ടി മീറ്റും നടക്കുന്നുണ്ട്. നേരത്തെ നടന്ന മാർച്ച്‌ പാസ്റ്റിൽ ഡയറക്ടർ ജനറൽ കെ പത്മകുമാർ ഐ പി എസ് സല്യൂട്ട് സ്വീകരിച്ചു. ഫയർ ആൻഡ് റെസ്ക്യൂ സർവീസിൽ നിന്ന് വിരമിച്ച ജീവനക്കാരും മേളയിൽ പ്രത്യേക ക്ഷണിതാക്കളായി എത്തിയിരുന്നു.