Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
04 Dec 2024 20:17 IST
Share News :
വിരണ്ടോടിയ പോത്തിനെ ഫയർഫോഴ്സ് പിടികൂടി
പറവൂർ: വിരണ്ടോടിയ പോത്തിനെ അഗ്നിരക്ഷാസേനയെത്തി സാഹസികമായി പിടികൂടി. വഴിക്കുളങ്ങര ഭാഗത്തു നിന്നാണ് കശാപ്പിനായി കൊണ്ടുവന്ന പോത്ത് വിരണ്ടോടിയത്. വാണിയക്കാട്, നന്തികുളങ്ങര ഭാഗങ്ങളിലൂടെ നാട്ടുകാരെ പരിഭ്രാന്തരാക്കി ഓടുന്നതിനിടെ രണ്ട് പേർക്ക് പോത്തിൻ്റെ കുത്തേറ്റു. കുത്തേറ്റവരുടെ പരിക്ക് ഗുരുതരമല്ല. പിന്നീട് പെരുവാരത്ത് ഡ്രൈവിങ് ടെസ്‌റ്റ് നടക്കുന്ന ഗ്രൗണ്ടിന് പിന്നിലെ ചതുപ്പിലാണ് പോത്ത് നിലയുറപ്പിച്ചത്. പോത്തിൻ്റെ ഉടമയും മറ്റു ചിലരും പിന്നാലെ ഇവിടെ എത്തിയിരുന്നു. അസിസ്‌റ്റൻ്റ് സ്‌റ്റേഷൻ ഓഫിസർ കെ എൻ സന്തോഷ്‌കുമാറിൻ്റെ നേതൃത്വത്തിൽ അഗ്നിരക്ഷാസേനയും പോത്തിൻ്റെ ഉടമയും കൂടെയുള്ളവരും ചേർന്നു പോത്തിനെ പിടികൂടാൻ ശ്രമിച്ചെങ്കിലും പോത്ത് ഇവരെ തുരത്തി ഓടിച്ചു. അപകടകാരിയായ പോത്തിൻ്റെ കഴുത്തിൽ കയറിടുന്നത് പ്രായോഗികമല്ലെന്നു മനസ്സിലാക്കിയ സേനാംഗങ്ങൾ നിലത്ത് റണ്ണിങ് ബോലൈൻ്റെ കുരുക്കുകൾ നിരത്തി അതിലൂടെ പോത്തിനെ ഓടിച്ചാണ് പിടി കൂടിയത്.
Follow us on :
Tags:
More in Related News
Please select your location.
