Dr Kabir Machinery is a role model for the entire children of Parappanangadi Palathingal Kottanthala School by organizing a excursion trip at their own cost.

പരപ്പനങ്ങാടി: ഒരു സ്കൂളിലെ മുഴുവൻ കുട്ടികൾക്കും സ്വന്തം ചിലവിൽ ഉല്ലാസ യാത്ര സംഘടിപ്പിച്ച് മാതൃകയായിരിക്കുകയാണ് ഡോ: കബീർ മച്ചിഞ്ചേരി. പരപ്പനങ്ങാടി പാലത്തിങ്ങൽ കൊട്ടന്തല എ.എം.എൽ.പി.സ്കൂളിലെ മുഴുവൻ കുട്ടികളെയും കൊണ്ടാണ് തിരൂർ വാഗൺ ട്രാജഡി സ്മാരകം, തുഞ്ചൻ പറമ്പ്, കൂട്ടായി അഴിമുഖം, തൂവൽ തീരം തുടങ്ങിയ സ്ഥലങ്ങളിലേക്ക് ഉല്ലാസ യാത്ര പോയത്. സാമ്പത്തിക ശേഷിയുള്ള കുട്ടികൾ വിനോദ യാത്രക്ക് പോവുമ്പോൾ സാമ്പത്തികമായി പിന്നോക്കം നിൽക്കുന്ന കുട്ടികൾ മാനസിക പ്രയാസങ്ങളിൽ പെടുന്നത് ശ്രദ്ധയിൽ പ്പെട്ടത് കൊണ്ടാണ് വിനോദ യാത്രയുടെ പേരിൽ ഒരു കുട്ടി പോലും മാറ്റി നിർത്തരുതെന്ന് കരുതിയാണ് മാതൃകാ പരമായ ഇത്തരം യാത്ര സംഘടിപ്പിച്ചത്. ജീവകാരുണ്യ പ്രവർത്തകനും കൊട്ടന്തല എ.എം.എൽ.പി.സ്കൂൾ മാനേജിംഗ് കമ്മറ്റി രക്ഷാധികാരിയുമാണ് ഡോ: കബീർ മച്ചി ഞ്ചേരി.

ഇതിന് മുമ്പ് കാഴ്ച പരിമിതർക്കും ഭിന്നശേഷിക്കാർക്ക് വേണ്ടിയും വിനോദ യാത്രകൾ സംഘടിപ്പിച്ചിട്ടുണ്ട്. ഉല്ലാസ യാത്രയുടെ ഉദ്ഘാടനം പരപ്പനങ്ങാടി മുനിസിപ്പൽ ചെയർമാൻ പി.പി.ഷാഹുൽ ഹമീദും ഫ്ലാഗ് ഓഫ് നിയാസ് പുളിക്കലകത്തും നിർവ്വഹിച്ചു. ഡോ: കബീർ മച്ചി ഞ്ചേരി അദ്ധ്യക്ഷ്യത വഹിച്ചു. പി.ടി.എ. പ്രസിഡണ്ട് അലി, മുൻസിപ്പൽ വിദ്യാഭ്യാസ സ്റ്റാൻന്റിംഗ് കമ്മറ്റി ചെയർമാൻ നിസാർ അഹമ്മദ്, ഡിവിഷൻ കൗൺസിലർ അസീസ് കൂളത്ത്, ബി.ടീം അംഗം അഷ്റഫ് കുന്നുമ്മൽ, സ്കൂൾ മാനേജ്മെന്റ് പ്രതിനിധി സുനു, ഷാജി സമീർ എന്നിവർ പ്രസംഗിച്ചു. ഹെഡ്മാസ്റ്റർ സുരേഷ് സ്വാഗതം പറഞ്ഞു.