Doctor at Tirurangadi Taluk Hospital should investigate role of KPA Majeed MLA: CPIM

തിരൂരങ്ങാടി : തിരൂരങ്ങാടി താലൂക്ക് ആശുപത്രിയില്‍ ഭാര്യക്ക് പകരം ഭര്‍ത്താവ് ജോലി ചെയ്ത സംഭവം സ്ഥലം എം.എല്‍.എയുടെ അറിവോടെയാണെന്ന് സി.പി.ഐ.എം തിരൂരങ്ങാടി ലോക്കല്‍ കമ്മിറ്റി. കെ.പി.എ മജീദ് എം.എല്‍.എയുടെ അടുത്ത ബന്ധുവാണ് ഈ ഡോക്ടര്‍. അനധികൃതമായി പല സൗകര്യങ്ങളും എം.എല്‍.എയുടെ ബന്ധുവെന്ന നിലക്ക് അവര്‍ക്ക് ലഭിക്കുന്നുണ്ട്.

ചികില്‍സക്കെത്തിയ പിഞ്ചുക്കുട്ടി ചികില്‍സ നല്‍കാതെ മടക്കി അയച്ച സംഭവമുണ്ടായത് ഇവിടെയാണ്. ഡോക്ടര്‍മാരുടെ കുട്ടികള്‍ക്ക് മാത്രമല്ല അവകാശമുള്ളത്. എല്ലാവര്‍ക്കും ഒരുപോലെ സ്‌നേഹവും ലാളനയും ചികില്‍സയും ലഭിക്കണം. ഡോക്ടറുടെ കുട്ടി കരയുന്നത് ഒഴിവാക്കാന്‍ ഭാര്യക്ക് പകരം ഭര്‍ത്താവ് ജോലി ചെയ്യുമ്പോള്‍ മണിക്കൂറുകളോളം ചികില്‍സ ലഭിക്കാതെ കരഞ്ഞത് ഈ ആശുപത്രിയിലാണ്.

ജോലി ചെയ്യാതെ ശമ്പളം വാങ്ങിയ എം.എല്‍എയുടെ ബന്ധുവായ ഡോക്ടര്‍ക്കെതിരെ നടപടി വേണമെന്നും ഇങ്ങനെ ലഭിക്കുന്നതിന് എം.എല്‍എ നടത്തിയ ഇടപെടല്‍ അന്വേഷിക്കണമെന്നും കമ്മിറ്റി ആവശ്യപ്പെട്ടു. ഇ പി മനോജ് അധ്യക്ഷത വഹിച്ചു. ലോക്കൽ കമ്മിറ്റി സെക്രട്ടറി എം.പി ഇസ്മായീല്‍, കെ രാമദാസ്, കമറു കക്കാട്, കെ കേശവന്‍ കെ ടി ദാസൻ എന്നിവര്‍ സംസാരിച്ചു.

Tags:

enlightmedia,malayalamnews,kerala,latestnews