പ്രിയനേതാവിന് നാട് വിടനൽകി

കോട്ടയം: 'ഇല്ലാ ഇല്ലാ മരിക്കുന്നില്ല, ജീവിക്കുന്നു ഞങ്ങളിലൂടെ' കണ്ഠമിടറുന്ന ഉച്ചത്തിൽ മുദ്രാവാക്യം വിളിച്ച് പ്രിയ സഖാവിനെ എല്ലാവരും ചേർന്ന് യാത്രയാക്കി. പ്രിയ സഖാവ് എ വി റസലിന്‌ നിറകണ്ണുകളോടെയാണ് നാട് വിടനൽകിയത്. അലമുറയിട്ട് കരയുന്ന കുടുംബാംഗങ്ങളെ ആശ്വസിപ്പിക്കാൻ കഴിയാതെ നേതാക്കളും തേങ്ങി. എല്ലാവരുടെയും ഈറനണിഞ്ഞു. പ്രിയനേതാവിനെ അവസാനമായി ഒരുനോക്കുകാണാൻ ആഞ്ഞിലിമൂട്ടിൽ വീട്ടുമുറ്റത്തെക്ക് ജനങ്ങൾ ഒഴുകിയെത്തി. ഞായറാഴ്ച ഉച്ചയ്ക്ക് 12ന്‌ ആയിരങ്ങളെ സാക്ഷിയാക്കി തെങ്ങണയിലെ വീട്ടുവളപ്പിലായിരുന്നു സംസ്കാരം. മകൾ ചാരുലതയാണ് ചിതയ്ക്ക് തീക്കൊളുത്തിയത്.

ചെന്നൈയിൽനിന്ന്‌ ശനിയാഴ്ച കർമ കേന്ദ്രമായ കോട്ടയം ജില്ലാ കമ്മിറ്റി ഓഫീസിലേക്ക്‌ എത്തിയത്. പൊട്ടിക്കരഞ്ഞുകൊണ്ടാണ് വൈക്കം വിശ്വൻ ഉൾപ്പെടെയുള്ള നേതാക്കൾ റസിലിന്‌ അന്ത്യാഭിവാദ്യമേകിയത്. അകത്ത് സംസ്കാര ചടങ്ങുകൾ നടക്കുമ്പോഴും പ്രിയ സഖാവിനെ ഒരു നോക്ക് കാണാൻ തെങ്ങണയിലെ ആഞ്ഞിലിമൂട്ടിൽ വീട്ടിലേത്തിക്ക് ജനം ഒഴുകുകയായിരുന്നു.

Tags:

എ വി റസൽ