കാലിക്കറ്റ് സർവകലാശാല സംഘർഷം: സമാധാനം പുനഃസ്ഥാപിക്കാൻ സർവ്വകക്ഷി സമിതി രൂപീകരിക്കും

Calicut University clash: An all-party committee to restore peace will be set up

മലപ്പുറം : കാലിക്കറ്റ് സർവകലാശാല ക്യാമ്പസിലുണ്ടായ വിദ്യാർഥി സംഘർഷങ്ങൾക്ക് പരിഹാരം കാണാനും സമാധാനം പുനഃസ്ഥാപിക്കാനും താലൂക്ക്/ജില്ലാ തലത്തിൽ ഉന്നതതല തീരുമാനം. കളക്ടറേറ്റിൽ എ.ഡി.എം പി.ഒ. സാദിഖിന്റെ അധ്യക്ഷതയിൽ ചേർന്ന യോഗത്തിലാണ് നിർണ്ണായക തീരുമാനങ്ങൾ കൈക്കൊണ്ടത്.

പ്രധാന തീരുമാനങ്ങൾ:

???? സമാധാന പാലന സമിതി: ജനപ്രതിനിധികൾ, വി.സി/സർവകലാശാല പ്രതിനിധികൾ, പോലീസ്, രാഷ്ട്രീയ പാർട്ടി പ്രതിനിധികൾ എന്നിവരെ ഉൾപ്പെടുത്തി സമിതി രൂപീകരിക്കും.

???? തുടർനടപടി (നവംബർ 13): ജില്ലാ പോലീസ് മേധാവിയുടെ സാന്നിധ്യത്തിൽ നവംബർ 13-ന് സമിതി യോഗം ചേർന്ന് നിർദേശങ്ങൾ രൂപീകരിക്കുകയും, തുടർന്ന് വിദ്യാർഥി സംഘടനാ നേതാക്കളുമായി ചർച്ച നടത്തുകയും ചെയ്യും.

???? വിദ്യാർഥികളുടെ ഭാവി: കേസിൽ ഉൾപ്പെടുന്ന ഗുരുതര കേസുകൾ വിദ്യാർഥികളുടെ ഉപരിപഠനം, പാസ്‌പോർട്ട്, സർക്കാർ ജോലി എന്നിവയെ ബാധിക്കുമെന്നതിനാൽ ചർച്ചയിലൂടെ പ്രശ്നം രമ്യമായി പരിഹരിക്കും.

???? പക്ഷപാതരഹിത നിലപാട്: പോലീസിന്റെ ഭാഗത്തുനിന്ന് പക്ഷപാതരഹിതമായ സമീപനം ഉണ്ടാകണമെന്നും, ക്യാമ്പസ് രാഷ്ട്രീയം ആരോഗ്യകരമായ രീതിയിലേക്ക് മാറ്റാൻ രാഷ്ട്രീയ നേതൃത്വം ഒന്നിച്ച് നിൽക്കണമെന്നും യോഗത്തിൽ തീരുമാനമായി.

യോഗത്തിൽ എം.എൽ.എമാരായ ടി.വി. ഇബ്രാഹിം, പി.കെ. നവാസ്, സർവകലാശാല രജിസ്ട്രാർ, പോലീസ് ഉദ്യോഗസ്ഥർ, വിവിധ രാഷ്ട്രീയ-വിദ്യാർഥി സംഘടനാ പ്രതിനിധികൾ എന്നിവർ പങ്കെടുത്തു.

Tags:

enlightmedia,malayalamnews,kerala,latestnews