Attack in front of shop in Ilakkal, Kottayam: Stabbed man killed

കോട്ടയം: കോട്ടയം ഇല്ലിക്കലിൽ ഷാപ്പിനുമുന്നിൽ നടന്ന ആക്രമണത്തിൽ കുത്തേറ്റയാൾ കൊല്ലപ്പെട്ടു. ഇല്ലിക്കൽ പരുത്തിയകം പ്ലാത്തറ റെജിയാണ് കൊല്ലപ്പെട്ടത്. പ്രദേശത്തെ മീൻപിടുത്തക്കാരനാണ് റെജി. സംഭവവുമായി ബന്ധപ്പെട്ട് ഇവിടെ അലഞ്ഞു തിരിഞ്ഞ് നടന്നിരുന്ന പ്രതി ഹരിദാസനെ പൊലീസ് ക്സ്റ്റഡിയിൽ എടുത്തു. സംഭവത്തിൽ ഹരിദാസനെ പരിക്കുകളോടെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

തിങ്കളാഴ്ച രാത്രി ഒമ്പതോടെയായിരുന്നു സംഭവം. ഇല്ലിക്കൽ ഷാപ്പിനുമുന്നിൽ എത്തിയ രണ്ടുപേരും തമ്മിൽ വാക്ക് തർക്കം ഉണ്ടാകുകയായിരുന്നു. ഇതിനിടെ പ്രതി കയ്യിൽ കരുതിയിരുന്ന കത്തി ഉപയോഗിച്ച് റെജിയെ കുത്തി. കുത്തേറ്റ് പതിനഞ്ച് മിനിറ്റോളം റെജി വീണു കിടന്നു. ഓടിക്കൂടിയ നാട്ടുകാർ ആംബുലൻസ് വിളിച്ചു വരുത്തിയാണ് റെജിയെ ആശുപത്രിയിൽ എത്തിച്ചത്. റെയിയും ഹരിദാസനും തമ്മിൽ ഷാപ്പിന് മുന്നിൽ വച്ച് ഏറ്റുമുട്ടുകായിയരുന്നു. മെഡിക്കൽ കോളജ് ആശുപത്രിയിൽ എത്തിച്ചപ്പോഴേയ്ക്കും റെജി മരിച്ചു. സംഭവത്തിൽ കോട്ടയം വെസ്റ്റ് പൊലീസ് കേസെടുത്തു.

Tags:

Murder Kottayam Illikkal