AKPLA Kottayam District Conference 8

കോട്ടയം: ഓൾ കേരള പ്ലസ് ടു ലാബ് അസിസ്റ്റൻസ് അസോസിയേഷൻ (എ കെ പി എൽ എ) കോട്ടയം ജില്ലാ സമ്മേളനം ജൂൺ 8ന് രാവിലെ 9.30 മുതൽ കോട്ടയം വൈഎംസിഎ ഹാളിൽ വച്ച് നടക്കും. എ കെ പി എൽ എ സംസ്ഥാന കമ്മറ്റി അംഗം സക്കീർ മജീദ് പതാക ഉയർത്തും. സമ്മേളനത്തിൽ പ്രതിനിധി സമ്മേളനം, ചർച്ചകൾ, വിരമിച്ച അംഗങ്ങളെ ആദരിക്കൽ, അംഗങ്ങളുടെ മക്കളിൽ എസ്എസ്എൽസി, പ്ലസ് ടു പരീക്ഷകളിൽ എല്ലാ വിഷയത്തിനും എ പ്ലസ് കരസ്ഥമാക്കിയ വിദ്യാർത്ഥികൾക്കുള്ള അനുമോദനം, തെരഞ്ഞെടുപ്പ് എന്നിവ നടക്കും.

ഉച്ചയ്ക്ക് നടക്കുന്ന പൊതുസമ്മേളനം സർക്കാർ ചീഫ് വിപ്പ് പ്രൊഫ. ഡോ. എൻ ജയരാജ് എംഎൽഎ ഉദ്ഘാടനം ചെയ്യും. എ കെ പി എൽ എ കോട്ടയം ജില്ലാ പ്രസിഡന്റ് ബൈജു സ്കറിയ അധ്യക്ഷത വഹിക്കും. കോട്ടയം മുനിസിപ്പൽ ചെയർപേഴ്സൺ ബിൻസി സെബാസ്റ്റ്യൻ വിരമിച്ച അംഗങ്ങളെ ആദരിക്കും. ഹയർ സെക്കൻഡറി വിദ്യാഭ്യാസം മുൻ ആർ ഡി ഡി ആർ. ഗിരിജ മുഖ്യ സന്ദേശം നൽകും. എ കെ പി എൽ എ സംസ്ഥാന പ്രസിഡന്റ് ജോൺസി ജേക്കബ്, സംസ്ഥാന ജനറൽ സെക്രട്ടറി, സുമേഷ് കാഞ്ഞിരം എന്നിവർ സംഘടനാ കാര്യ പ്രവർത്തനങ്ങൾ വിശദീകരിക്കും. സംസ്ഥാന - ജില്ലാ നേതാക്കളായ അരുൺ ജോസ്, സജി തോമസ്, സൈനുദ്ദീൻ പി എ, മനോജ് കുമാർ, ജോസഫ് കുര്യൻ, സജേഷ് കുമാർ, സാജൻ തറയിൽ, ബിജു ഡൊമിനിക്, ലിനു കെ ഫ്രാൻസിസ്, രാഹുൽ മറ്റക്കര എന്നിവർ സംസാരിക്കും.

Tags:

AKPLA Kottayam District Conference June 8th