Kodakara St Joseph's Church oottuthirunal

കൊടകര: സെന്‍ര് ജോസഫ്‌സ് ഫൊറോന ദേവാലയത്തിലെ ഇടവക മധ്യസ്ഥന്റെ ഊട്ടുതിരുനാള്‍ ശനി, ഞായര്‍ ദിവസങ്ങളില്‍ ആഘോഷിക്കും. ഇടവകയിലെ ജോസഫ്, ഔസേഫ് നാമധാരികളുടെ നേതൃത്വത്തിലാണ് ഈ വര്‍ഷത്തെ തിരുനാളാഘോഷം നടത്തുന്നത്. പതിനാറായിരത്തോളം പേര്‍ക്ക് തിരുനാളിനോടനുബന്ധിച്ച് നേര്‍ച്ച ഊട്ട് ഒരുക്കും. ശനിയാഴ്ച രാവിലെ സഹൃദയ എന്‍ജിനീയറിംഗ് കോളജ് മീഡിയ ഡയറക്ടര്‍ ഫാ.അനൂപ് കോലങ്കണ്ണിയുടെ കാര്‍മികത്വത്തില്‍ പാട്ടുകുര്‍ബാന,സന്ദേശം,ലദീഞ്ഞ്,നൊവേന,നേര്‍ച്ചപായസം വെഞ്ചരിപ്പ്, രൂപം എഴുന്നള്ളിച്ചുവെക്കല്‍ എന്നിവ ഉണ്ടായി. ഞായറാഴ്ച രാവിലെ 6.30നുള്ള വി.കുര്‍ബാനക്കുശേഷം വികാരി ഫാ.ജെയ്‌സന്‍ കരി്പ്പായി ഊട്ടുവെഞ്ചരിപ്പ് നിര്‍വഹിക്കും. 8.30ന് ഫാ.സിബിന്‍ വാഴപ്പള്ളിയുടെ കാര്‍മികത്വത്തില്‍ വി.കുര്‍ബാനയുണ്ടാകും. 10നുള്ള തിരുനാള്‍ പാട്ടുകുര്‍ബാനക്ക് ഫാ.ലിന്‍സ് മേലേപ്പുറം സിഎംഐ മുഖ്യകാര്‍മികത്വം വഹിക്കും. തൃശൂര്‍ മേരിമാത മേജര്‍ സെമിനാരിയിലെ റവ.ഡോ.വിന്‍സന്‍ര് ആലപ്പാട്ട് സന്ദേശം നല്‍കും. തുടര്‍ന്ന് കുഞ്ഞുങ്ങള്‍ക്കുള്ള ചോറൂണ് ഉണ്ടാകും. ഉച്ചകഴിഞ്ഞ് നാലിന് നടക്കുന്ന സെന്റ് ് ജോസഫ് ഫാമിലി കുര്‍ബാനക്ക് ഇടവകയിലെ വൈദികര്‍ കാര്‍മികരാകും. തുടര്‍ന്ന് ഭക്തിനിര്‍ഭരമായ പ്രദക്ഷിണം ഉണ്ടാകും. പ്രദക്ഷിണത്തില്‍ ഇടവകയിലെ വിവിധ യൂണിറ്റുകളിലുള്ള ജോസഫ്, ഔസേഫ് നാമധാരികള്‍ പങ്കെടുക്കും.