Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
29 Aug 2024 19:04 IST
Share News :
വോളിബോള്‍ താരം അനുശ്രീ ഇനി സ്വന്തം വീട്ടിൽ ഉറങ്ങും
പറവൂര്‍: വാടക വീട്ടിൽ കഴിഞ്ഞിരുന്ന വോളിബോള്‍ താരം അനുശ്രീയുടെ സ്വപ്‌നം പൂവണിഞ്ഞു. മുത്തൂറ്റ് പാപ്പപ്പന്‍ ഗ്രൂപ്പ് നിര്‍മ്മിച്ചു നല്‍കിയ വീടിന്റെ താക്കോല്‍ദാനം മുത്തൂറ്റ് സ്‌പോര്‍ട്‌സ് ഡിവിഷന്‍ ഡയറക്ടര്‍ ഹന്ന മുത്തൂറ്റ് നിര്‍വഹിച്ചു.
തിരുച്ചിറപ്പള്ളിയില്‍ നടന്ന അണ്ടര്‍ 17 പണ്‍കുട്ടികളുടെ കേരള വോളിബോള്‍ ടീമിനെ നയിച്ച അനുശ്രീ നന്ത്യാട്ടുകുന്നം എസ്എന്‍വി മുത്തൂറ്റ് അക്കാദമിയിലായിരുന്നു പരിശീലനം നടത്തിയത്. ബാര്‍ബറായ പറവൂത്തറ കരിയമ്പിള്ളി ആറുകണ്ടത്തില്‍ രാജേഷിന്റെയും ധന്യയുടെയും മകളാണ് അനുശ്രീ. അറ്റാക്കറായി കളിക്കുന്ന അനുശ്രീ നിരവധി തവണ മികച്ച കളിക്കാരിയായി തെരഞ്ഞെടുക്കപ്പെട്ടിട്ടുണ്ട്. 2020 ലും 21 ലും ദേശിയ സബ്ജൂനിയര്‍ വോളിബോള്‍ ചാമ്പ്യന്‍ഷിപ്പിലും 2022 ല്‍ ദേശിയ സ്‌കൂള്‍ ഗെയിംസിലും 2019 ല്‍ ദേശിയ മിനി വോളിബോള്‍ ചാമ്പ്യന്‍ഷിപ്പിലും കേരളത്തിനു വേണ്ടി കളിച്ചിട്ടുണ്ട്.
താക്കോല്‍ദാന ചടങ്ങില്‍ മുത്തൂറ്റ് മൈക്രോഫിന്‍ സീനിയര്‍ വൈസ് പ്രസിഡന്റ് ദിപിന്‍ കെ ഗോപി, മുത്തൂറ്റ് വോളിബോള്‍ അക്കാദമി ടെക്‌നിക്കല്‍ ഡയറക്ടര്‍ ബിജോയ് ബാബു, എസ്എന്‍ഡിപി യോഗം പറവൂര്‍ യൂണിയന്‍ ചെയര്‍മാന്‍ സി.എന്‍ രാധാകൃഷ്ണന്‍, കണ്‍വീനര്‍ ഷൈജു മനക്കപ്പടി, എസ് എൻ ഡി പി യോഗം ഡയറക്ടർ പി.എസ് ജയരാജ്, എസ്എന്‍വി എച്ച്.എസ്.എസ് ഹെഡ്മാസ്റ്റര്‍ സി.കെ ബിജു, പി.ടി.എ.പ്രസിഡന്റ് കെ.ബി.സുഭാഷ് എന്നിവര്‍ പങ്കെടുത്തു.
Follow us on :
Tags:
More in Related News
Please select your location.
