Thrikkarthika Darshan and Thrikkarthi lamp of Udayanapuram Sree Subramanya Swamy Temple will be held tomorrow (November 16 ).

വൈക്കം. ഉദയനാപുരം ശ്രീ സുബ്രഹ്മണ്യ സ്വാമി ക്ഷേത്രത്തിലെ പ്രസിദ്ധമായ തൃക്കാർത്തിക ദർശനവും തൃക്കാർത്തി വിളക്കും നാളെ (നവംബർ 16 ). നടക്കും. പുലർച്ചെ 4 ന് നടതുറന്ന് വടക്കും ചേരിമേൽ എഴുന്നള്ളിപ്പ് യാത്ര ആയതിനു ശേഷം വിശേഷാൽ ചടങ്ങുകൾക്ക് ശേഷം രാവിലെ 6 നാണ് കാർത്തിക ദർശനം. താരകാസുര നിഗ്രഹം കഴിഞ്ഞ് വിജയ ശ്രീ ലാളിതനായി വരുന്ന ദേവസേനാധിപനായ ശ്രീ സുബ്രഹ്മണ്യനെ ദേവഗണങ്ങൾ നിറദീപം തെളിയിച്ച് വരവേറ്റ പുണ്യദിനമാണ് കാർത്തികയെന്നു വിശ്വാസം. ഈ ധന്യ മൂഹൂർത്തത്തിൽ ആഡംബര വിഭൂഷിതനായ ഉദയനാപുരത്തപ്പന്റെ മോഹന രൂപം ദർശിച്ച് അനുഗ്രഹം വാങ്ങുവാൻ സംസ്ഥാനത്തെ വിവിധ ഇടങ്ങളിൽ നിന്നായി ആയിരക്കണക്കിന് ഭക്തജനങ്ങൾ ക്ഷേത്രത്തിലെത്തും. രാത്രി 10 ന് പ്രസിദ്ധമായ തൃക്കാർത്തിക വിളക്ക് നടക്കും . വലിയ ചട്ടം ഉപയോഗിച്ചുള്ള വിളക്ക് എഴുന്നള്ളിപ്പിന് സ്വർണ്ണതലേക്കെട്ടും സ്വർണ്ണക്കുടുയും ഉപയോഗിക്കും.തല പൊക്കത്തിൽ മുൻപരായ അഞ്ചു ഗജരാജാക്കൻമാർ അണിനിരക്കുന്ന എഴുന്നള്ളിപ്പിന് വൈക്കം ഷാജി,വൈക്കം സുമോദ് എസ് പി. ശ്രീകുമാർ , ചെറായി മനോജ് എന്നിവരുടെ നാദസ്വരമേളം അകമ്പടിയാകും. ക്ഷേത്രത്തിന്റെ നാലു ഭാഗങ്ങളിലും അതാത് കരക്കാർ നിറ ദീപവും നിറപറയും ഒരുക്കി എഴുന്നള്ളിപ്പിനെ വരവേൽക്കും.വലിയ കാണിക്ക,വെടിക്കെട്ട് എന്നിവയും നടക്കും.