വൈദ്യുതി വകുപ്പിൻ്റെ അനാസ്ഥ; വൈക്കത്ത് അറ്റകുറ്റപ്പണിക്കിടെ തൊഴിലാളിക്ക് ഷോക്കേറ്റു.

20 Dec 2024 15:50 IST

Share News :

The negligence of the Electricity Department; The labourer was shocked during the repair work at Vaikkath.

വൈക്കം: വൈദ്യുതി വകുപ്പിൻ്റെ അനാസ്ഥ മൂലം പോസ്റ്റിലെ അറ്റകുറ്റപ്പണിക്കിടെ തൊഴിലാളിക്ക് ഷോക്കേറ്റു. വൈക്കം

കെ.എസ് .ഇ.ബിയിലെ കരാർ തൊഴിലാളി തലയാഴം ഉല്ലല ദേവപ്രഭയിൽ രാമചന്ദ്രൻ (55) നാണ് പരിക്കേറ്റത്. ഉദയനാപുരം ചാത്തൻ കുടി ക്ഷേത്രത്തിന് സമീപം വെള്ളിയാഴ്ച ഉച്ചയ്ക്ക് 12.30 ഓടെയാണ് അപകടം. സഹപ്രവർത്തകർ ചേർന്ന് ഇയാളെ ഉടൻ വൈക്കം താലൂക്ക് ആശുപത്രിയിൽ പ്രവേശിപ്പിച്ച ശേഷം വിദഗ്ധ ചികിത്സക്കായി കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി. ലൈൻ ഓഫ് ചെയ്ത് പ്രദേശത്ത് രണ്ട് സൂപ്പർവൈസർമാരുടെ മേൽനോട്ടത്തിൽ രണ്ട് സംഘങ്ങളായി തൊഴിലാളികൾ രാവിലെ മുതൽ പോസ്റ്റുകളിൽ അറ്റകുറ്റപ്പണികൾ നടത്തുകയായിരുന്നു. ഇതിനിടെ ഒരു വിഭാഗം പണികൾ കഴിഞ്ഞ് പോകുന്നതിനിടെ സംഘത്തിലുണ്ടായിരുന്ന ഒരു കരാർ തൊഴിലാളി ട്രാൻസ്ഫോർമറിന് സമീപം ഊരി വച്ചിരുന്ന ഫ്യൂസ് എടുത്ത് കുത്തി ചാർജ് ചെയ്യുകയായിരുന്നു. ഇത് അറിയാതെ എത്തിയ രണ്ടാമത്തെ സംഘത്തിൽപ്പെട്ട രാമചന്ദ്രൻ പോസ്റ്റിൽ കയറുന്നതിനിടെയാണ് ലൈനിൽ നിന്നും ഷോക്കേറ്റത്. ഇയാളുടെ വലതുകാലിലെ തുടഭാഗത്തെ മാസം കരിഞ്ഞു പോയാണ് സാരമായി പരിക്കേറ്റത്. സംഭവവുമായി ബന്ധപ്പെട്ട് ഉന്നത ഉദ്യോഗസ്ഥർ അന്വോഷണം ആരംഭിച്ചു.

Tags:

വൈദ്യുതി വകുപ്പിൻ്റെ അനാസ്ഥ; വൈക്കത്ത് അറ്റകുറ്റപ്പണിക്കിടെ തൊഴിലാളിക്ക് ഷോക്കേറ്റു.

More in Related News