Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
06 Jan 2025 18:15 IST
Share News :
തലയോലപ്പറമ്പ്: വീടിനുള്ളിൽ കയറി വീട്ടുകാരെ ഭീതിയിലാക്കിയ
മൂർഖൻ പാമ്പിനെ ഒടുവിൽ ഫോറസ്റ്റ് ഡിപ്പാർട്ട്മെന്റിന്റെ പരിശീലനം ലഭിച്ച
സർപ്പ ഗ്രൂപ്പ് അംഗങ്ങൾ പിടികൂടി.
പൊതി ഭാഗത്ത് തിങ്കളാഴ്ച രാവിലെയാണ് സംഭവം. ആറാം വാർഡിൽ പൂവക്കോട്ടിൽ ഹരിയുടെ വീട്ടിലാണ് പാമ്പ് കയറിയത്. പുലർച്ചെ നാലുമണിയോടെ വീടിനുള്ളിൽ നിന്നും ചീറ്റുന്ന ശബ്ദം കേട്ട് വീട്ടുടമ നോക്കിയപ്പോഴാണ് മൂർഖൻ പാമ്പ് ബെഡ്റൂമിലേക്ക് ഇഴഞ്ഞ് പോകുന്നത് കണ്ടത്. വീട്ടുകാർ ഉടൻതന്നെ മുറിയുടെ കതക് പൂട്ടി ജനലുകളും വാതിലും അടച്ച ശേഷം വനം വകുപ്പിനെ വിവരം അറിയിച്ചതിനെത്തുടർന്ന് ഫോറസ്റ്റ് ഡിപ്പാർട്ട്മെന്റിന്റെ പരിശീലനം ലഭിച്ച ആൽബിൻ മാത്യു തോട്ടുപുറം, ജോൺസൺ ഒറക്കനാംകുഴി എന്നിവർ സ്ഥലത്തെത്തി അരമണിക്കൂറെടുത്താണ് കട്ടിലിനടിയിൽ ഒളിച്ചിരുന്ന മൂർഖനെ പിടികൂടിയത്. പാമ്പിനെ വീടിനുള്ളിൽ കണ്ടത് മുതൽ അകത്തുകയറാൻ മടിച്ച് പുറത്തുനിൽക്കുകയായിരുന്നു കുടുംബാംഗങ്ങൾ പാമ്പിനെ പിടിച്ചതിനെ തുടർന്നാണ് ഭയം മാറി വീടിനുള്ളിൽ കയറിയത്. പാമ്പിനെ റെസ്ക്യു അംഗങ്ങൾ പിന്നീട് വനം വകുപ്പിന് കൈമാറും.
Follow us on :
Tags:
More in Related News
Please select your location.
