Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
24 Jan 2025 14:38 IST
Share News :
കടുത്തുരുത്തി: സഭകള്‍ കൂടി വരേണ്ടതും കരം കോര്‍ക്കേണ്ടതും കാലികമായ ആവശ്യമാണെന്ന് സീറോ മലബാര്‍ സഭ മേജര്‍ ആര്‍ച്ച് ബിഷപ്പ് മാര്‍ റാഫേല്‍ തട്ടില്‍. ക്രിസ്തുവിന്റെ സഭ പക്വമാണെന്ന അടയാളമാണ് സഭകളുടെ കൂടിവരവും കൂട്ടായ സുവിശേഷ പ്രഘോഷണവും കാണിക്കുന്നത്. സഭകള്‍ ക്രിസ്തുവിന്റെ പക്വതയിലേക്കും വളരണമെന്നും മേജര്‍ ആര്‍ച്ച ബിഷപ്പ് പറഞ്ഞു. സീറോ മലബാര്‍ സഭയുടെ ആതിഥേയത്വത്തില്‍ കെസിബിസി എക്യുമെനിക്കല്‍ കമ്മീഷന്റെയും കെസിസിയുടെയും നേതൃത്വത്തില്‍ കടുത്തുരുത്തി സെന്റ് മേരീസ് ഫൊറോനാ താഴത്തുപള്ളിയില്‍ നടന്ന ക്രൈസ്തവ ഐക്യ പ്രാര്‍ത്ഥനകളുടെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു മേജര്‍ ആര്‍ച്ച് ബിഷപ്പ്. കര്‍ത്താവിന്റെ ഏറ്റവും വലിയ പ്രാര്‍ത്ഥനയായിരുന്നു. നമ്മളൊന്നായിരിക്കുന്നത് പോലെ നമ്മില്‍ വിശ്വസിക്കുന്നവരും ഒന്നായിരിക്കണമെന്നത് മാര്‍ റാഫേല്‍ തട്ടില്‍ ഓര്‍മിപ്പിച്ചു. നിഖ്യസൂനഹദോസില്‍ പറഞ്ഞിരിക്കുന്നതുപോലെ ദൈവത്തെ കുറിച്ചു പഠിപ്പിക്കാനുള്ള ജാഗ്രത പുലര്‍ത്തണമെന്ന് സീറോ മലബാര്‍ സഭ എക്യുമെനിക്കല്‍ കമ്മീഷന്‍ ചെയര്‍മാനും പാലാ രൂപതാധ്യക്ഷനുമായ മാര്‍.ജോസഫ് കല്ലറങ്ങാട്ട് പറഞ്ഞു. ഈശോയുടെ മനുഷ്യത്വത്തിനാണ് കൂടുതല്‍ പ്രാധാന്യം നല്‍കിയത്. അതിലുപരി ഈശോയുടെ ദൈവീകതയ്ക്കാണ് കൂടുതല്‍ പ്രാധാന്യം നല്‍കേണ്ടതെന്നും മാര്‍ കല്ലറങ്ങാട്ട് പറഞ്ഞു. സഭൈക്യ പ്രാര്‍ത്ഥനകള്‍ക്ക് മുക്യകാര്‍മികത്വം വഹിച്ചതും മാര്‍ ജോസഫ് കല്ലറങ്ങാട്ടാണ്. മൂവാറ്റുപുഴ ഭദ്രാസന മുന്‍ അധ്യക്ഷന്‍ അബ്രഹാം മാര്‍ യൂലിയോസ്, മലങ്കര മാര്‍തോമ സുറിയാനി സഭയില്‍ നിന്നുള്ള സഭയുടെ സഫ്രഗന്‍ മെത്രാപ്പോലീത്തയും റാന്നി ഭദ്രാസന അധ്യക്ഷനുമായ ജോസഫ് മാര്‍ ബര്‍ണബാസ്, മലങ്കര ഓര്‍ത്തഡോക്‌സ് സുറിയാനി സഭയില്‍ നിന്നുള്ള നിലക്കല്‍ ഭദ്രാസന അധ്യക്ഷന്‍ ജോഷ്വാ മാര്‍. നിക്കോദിമോസ്, മൂവാറ്റുപുഴ മേഖല മെത്രാപ്പോലീത്തയും യുകെയിലേക്കും അയര്‍ലണ്ടിലേക്കുമുള്ള പാത്രിയര്‍ക്കീസിന്റെ വികാരിയുമായ മാത്യൂസ് മാര്‍. അന്തിമോസ്, സിഎസ്‌ഐ സഭ മധ്യകേരള മഹായിടവക ബിഷപ്പ് ഡോ.സാബു കോശി മലയില്‍, മലങ്കര യാക്കോബായ സുറിയാനി സഭയില്‍ നിന്നുള്ള സലീബാ റമ്പാച്ചന്‍, മലങ്കര ഓര്‍ത്തഡോക്‌സ് സുറിയാനി സഭയിലെ ജേവലോകം അരമനയിലെ റവ.യാക്കോബ് റമ്പാച്ചന്‍, മലബാര്‍ സ്വതന്ത്ര സുറിയാനി-തൊഴിയൂര്‍ സഭയിലെ റവ.സ്‌കറിയ ചീരനച്ചന്‍, കെസിസി ജനറല്‍ സെക്രട്ടറി ഡോ.അഡ്വ പ്രകാശ് പി.തോമസ്, സെന്റ് മേരീസ് ഫൊറോനാ താഴത്തുപള്ളി വികാരി ഫാ.മാത്യു ചന്ദ്രന്‍കുന്നേല്‍ എന്നിവര്‍ പ്രസംഗിച്ചു. സീറോ മലബാര്‍ സഭയുടെ ആതിഥേയത്വത്തില്‍ കെസിബിസി ഐക്യുമെനിക്കല്‍ കമ്മീഷന്റെയും കെസിസിയുടെയും നേതൃത്വത്തില്‍ 18 മുതല്‍ 25 വരെ തീയതികളിലാണ് വിത്യസ്ത സഭകളിലെ തെരഞ്ഞെടുക്കപെട്ട വിവിധ കേന്ദ്രങ്ങളില്‍ വച്ചു സഭൈക്യ പ്രാര്‍ത്ഥനകള്‍ നടക്കുന്നത്. എട്ട് ദിവസങ്ങളിലായി എട്ട് സഭകളിലായി നടക്കുന്ന സഭൈക്യ പ്രാര്‍ത്ഥനകളുടെ സീറോ മലബാര്‍ സഭയില്‍ ക്രമീകരിച്ചിരിക്കുന്ന ആറാം ദിവസത്തെ പ്രാര്‍ത്ഥനകളാണ് പുരാതന ദേവാലയമായ കടുത്തുരുത്തി സെന്റ് മേരീസ് ഫൊറോനാ താഴത്തുപള്ളിയില്‍ നടന്നത്. നേരത്തെ സഭൈക്യ പ്രാര്‍ത്ഥനകളില്‍ പങ്കെടുക്കാനെത്തുന്ന വിശിഷ്ടാഥിതികളെ ഫൊറോനാ വികാരിയുടെയും കൈക്കാരന്മാരുടെയും നേതൃത്വത്തില്‍ സ്വീകരിച്ചു. സീറോ മലബാര്‍ സഭയുടെ എക്യുമെനിക്കല്‍ കമ്മീഷന്‍ സെക്രട്ടറി ഫാ. സിറില്‍ തോമസ് തയ്യില്‍, സെന്റ് മേരീസ് ഫൊറോനാ താഴത്തുപള്ളി വികാരി ഫാ.മാത്യു ചന്ദ്രന്‍കുന്നേല്‍, സഹവികാരിമാരായ ഫാ.മാത്യു തയ്യില്‍, ഫാ.ജോസഫ് ചീനോത്തുപറമ്പില്‍ തുടങ്ങിയവര്‍ പരിപാടികള്‍ക്ക് നേതൃത്വം നല്‍കി. മോന്‍സ് ജോസഫ് എംഎല്‍എ ഉള്‍പെടെയുള്ള ജനപ്രതിനിധികളും പരിപാടിയില്‍ പങ്കെടുത്തു.
Follow us on :
Tags:
More in Related News
Please select your location.
8.jpeg)
16.jpeg)
4.jpeg)
