State School Science Festival : This is a hat-trick victory for Kutty Hassan Mash in Teaching Aid.

മുക്കം: കുട്ടിഹസ്സൻ മാഷിന് സംസ്ഥാന ശാസ്ത്രോത്സവത്തിൽ ഹാടിക്ക് വിജയത്തിൻ്റെ തിളക്കം. ആലപ്പുഴയിൽ നടന്ന സംസ്ഥാന സ്കൂൾ ശാസ്ത്രോത്സവത്തിൽ യൂ.പി.വിഭാഗം മാത് സ് ടീച്ചിംങ്ങ് എയ്ഡ് നിർമ്മാണത്തിൽ എ ഗ്രേഡോടെ രണ്ടാം സ്ഥാനം നേടിയാണ് കുട്ടിഹസ്സൻ മൂന്നാം തവണയും വിജയ തിളക്കം തീർത്തത്.. സംസ്ഥാന തലത്തിൽ മലപ്പുറം ജില്ലയെ പ്രതിനിധികരിച്ച് എ ഗ്രേ ഡിൽ രണ്ടാം സ്ഥാനം നേടിയാണ് മൂന്നാം വിജയം നിലനിർത്തിയത്. യൂ.പി.വിഭാഗം വിദ്യാർത്ഥികൾക്ക് കണക്ക് പഠനത്തിനുള്ള നൂതന വിദ്യകൾ ആവിഷ്ക്കരിച്ചാണ് മലപ്പുറം വണ്ടൂർ ഏരിയാട് എ യൂ.പി സ്ക്കൂൾ അധ്യാപകനായ പി.പി. കുട്ടിഹസ്സൻ ടീച്ചിങ്ങ് എയ്ഡ്സ് നിർമ്മിച്ച് ഇക്കുറിയും വിജയം നേടിയത്. ഇത് പതിനൊന്നാം തവണയാണ് സംസ്ഥാന സ്കൂൾ ശാസ്ത്രോത്സവത്തിൽ മത്സരിക്കുന്നത്. ഒന്നാം സ്ഥാനം കോട്ടയം ജില്ലയിലെ വാകക്കാട് അൽഫോൻസ ഗേൾസ് ഹൈസ്ക്കൂൾ അധ്യാപകൻ കെ.വി. ജോസഫിനാണ് . മൂന്നാം സ്ഥാനം നേടിയത് പാലക്കാട് നടുവട്ടം ജി ജെ.എച്ച്.എസിലെ ടി.പി.സുരേഷ് കുമാറിനാണ്. ഇരുപത്തിയാറ് പേരാണ് ഗണിത ടീച്ചിംങ്ങ് എയ്ഡ്സ് നിർമ്മാണ മേഖലയിലെ മത്സരത്തിൽ മാറ്റുരച്ചത്. കോഴിക്കോട് ചേന്ദമംഗല്ലൂർ സ്വദേശിയാണ് കുട്ടിഹസ്സൻ മാസ്റ്റർ. ഭാര്യ സുമയ്യ ഗണിത അധ്യാപി കയാണ്. അതേസമയം മക്കളായ ചേന്ദമംഗല്ലൂർ സ്ക്കൂൾ ഓഫ് ഖുർആൻ ആൻ്റ് സയൻസിലെ വിദ്യാർത്ഥികളുമായ ഐസ സഹറിനും, ഐബഅനുവും സബ്ജില്ല തല ഗണിതശാസ്ത്ര മേളയിൽ യൂ.പി വിഭാഗം സ്റ്റിൽ മോഡലിൽ ഐ കോസ ഐഡ്രൻ ട്രോഫി നിർമ്മാണ മത്സരത്തിൽ എ ഗ്രേ

ഡോടെ ഒന്നാം സ്ഥാനം ലഭിച്ചിരുന്നു.

ചിത്രം: കുട്ടിഹസ്സൻ മാസ്റ്റർ.

Tags:

enlightmedia,malayalamnews,kerala,latestnews