State Hajj Inspector Election ; Computer Based Examination for Nine

മലപ്പുറം : സംസ്ഥാന ഹജ്ജ് കമ്മിറ്റി മുഖേന 2025-ലെ ഹജ്ജിന് പോകുന്നവരെ അനുഗമിച്ച് മക്കയിലും മദീനയിലും സ്റ്റേറ്റ് ഹജ്ജ് ഇന്‍സ്പെക്ടര്‍ (പഴയ ഖാദിമുൽ ഹുജ്ജാജ് )സേവനം ചെയ്യുന്നതിന് അപേക്ഷിച്ചവര്‍ക്കുള്ള കംപ്യൂട്ടര്‍ അധിഷ്ഠിത പരീക്ഷ ഫെബ്രുവരി ഒമ്പതിന് രണ്ട് കേന്ദ്രങ്ങളിലായി നടക്കും. പരീക്ഷയുടെ അഡ്മിറ്റ് കാര്‍ഡ് കേന്ദ്ര ഹജ്ജ് കമ്മിറ്റി വെബ് സൈറ്റില്‍ നിന്നും ഡൗണ്‍ലോഡ് ചെയ്യാം. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്‍, പാലക്കാട് ജില്ലകളിലെ അപേക്ഷകര്‍ക്ക് എറണാകുളം മാറമ്പള്ളി എം.ഇ.എസ്. കോളേജിലും മലപ്പുറം, കോഴിക്കോട്, വയനാട്, കണ്ണൂര്‍, കാസർകോട് ജില്ലകളിലുള്ളവര്‍ക്ക് കോഴിക്കോട് വെള്ളിമാട്കുന്ന് ജെ.ഡി.റ്റി. ഇസ്ലാം കോളേജിലുമാണ് പരീക്ഷ. ഉച്ചയ്ക്ക് 12 മുതല്‍ രണ്ട് വരെയാണ് പരീക്ഷ നടക്കുന്നത്. രാവിലെ 11ന് റിപ്പോര്‍ട്ട് ചെയ്യണം. കൂടുതല്‍ വിവരങ്ങള്‍ ഹജ്ജ് കമ്മിറ്റി വെബ് സൈറ്റില്‍ ലഭിക്കും.