സ്മാര്‍ട്ട് അങ്കണവാടി ഉദ്ഘാടനം ചെയ്തു

കൊടകര: പഞ്ചായത്ത് ആറാം വാര്‍ഡില്‍ നിര്‍മ്മിച്ച സ്മാര്‍ട്ട് അങ്കണവാടികെട്ടിടം സനീഷ്‌കുമാര്‍ ജോസഫ് എം.എല്‍.എ ഉദ്ഘാടനം ചെയ്തു.പഞ്ചായത്ത് പ്രസിഡന്റ് അമ്പിളി സോമന്‍ അധ്യക്ഷത വഹിച്ചു. ജില്ല പഞ്ചായത്ത് അംഗം സരിത രാജേഷ് , കൊടകര ബ്ലോക്ക് പഞ്ചായത്ത് അംഗങ്ങളായ ടെസി ഫ്രാന്‍സിസ്, വി. കെ. മുകുന്ദന്‍, ഗ്രാമ പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍മാരായ ജോയ് നെല്ലിശേരി, ദിവ്യ ഷാജു, അംഗങ്ങളായ സി.എ.റെക്‌സ്,ടി.കെ. പദ്മനാഭന്‍, ടി.വി.പ്രജിത്ത് ,പ്രനില ഗിരീശന്‍, അസിസ്റ്റന്റ് എന്‍ജിനീയര്‍ എല്‍ദോ സൈമണ്‍ ,എം ജെ. രതീഷ്, പഞ്ചായത്ത് സെക്രട്ടറി ബിന്ദു ജി. നായര്‍ എന്നിവര്‍ സംസാരിച്ചു. മുന്‍ എം. എല്‍. എ ബി.ഡി.ദേവസ്സിയുടെ 2020-21 വര്‍ഷത്തെ മണ്ഡലം ആസ്തി വികസന ഫണ്ടില്‍ നിന്ന് അനുവദിച്ച 20 ലക്ഷം രൂപയും പഞ്ചായത്തും ഐ. സി. ഡി. എസും വഴി അനുവദിച്ച നാല് ലക്ഷം രൂപയും വിനിയോഗിച്ചാണ് സ്മാര്‍ട്ട് അങ്കണവാടി നിര്‍മ്മാണം പൂര്‍ത്തിയാക്കിയത്.ഹാള്‍ , അടുക്കള, ഊണുമുറി , ഫര്‍ണിച്ചര്‍, മറ്റു സൗകര്യങ്ങള്‍ എന്നിവയോട് കൂടിയാണ് അങ്കണവാടി നിര്‍മ്മിച്ചിരിക്കുന്നത്. 720 ചതുരശ്ര അടിയാണ് കെട്ടിടത്തിന്റെ വലിപ്പം. അങ്കണവാടി ചുറ്റുമതിലും സുരക്ഷയ്ക്കുമായി കൊടകര പഞ്ചായത്ത് 3.5 ലക്ഷം രൂപയും ശിശു സൗഹൃദ ടോയ്‌ലറ്റ് നിര്‍മ്മാണത്തിന് വേണ്ടി ഐ സി ഡി എസ് വഴി 50,000 രൂപയും ചിലവഴിച്ചു. മൊത്തം 24 ലക്ഷം രൂപയാണ് പദ്ധതിക്കായി വകയിരുത്തിരിക്കുന്നത്.