NTU Malappuram District Study Shibiram :

എൻ ടി യു മലപ്പുറം ജില്ലാ പഠന ശിബിരം :

ദേശീയ അദ്ധ്യാപക പരിഷത്ത് (എൻ ടി യു) ജില്ലാ പഠനശിബിരം മലപ്പുറം പി എം ആർ ഗ്രാൻ്റേയ്സ് ഹാളിൽ വെച്ച് നടന്നു. സംസ്ഥാന സെക്രട്ടറി എ.ജെ. ശ്രീനി മാസ്റ്റർ ശിബിരം ഉദ്ഘാടനം ചെയ്തു. ജില്ലാ ജനറൽ സെക്രട്രി പി.ടി. സുരേഷ് മാസ്റ്റർ സ്വാഗതവും ട്രഷറർ നിശാന്ത് മാസ്റ്റർ നന്ദിയും രേഖപ്പെടുത്തി. ജില്ലാ പ്രസിഡൻ്റ് വി. സുധീർ മാസ്റ്റർ അധ്യക്ഷം വഹിച്ച ഉദ്ഘാടന സഭയിൽ പ്രൊഫസർ. എം. വി. കിഷോർ സ്ഥാപക ദിന സന്ദേശം നൽകി. സംസ്ഥാന സമിതിയംഗം കെ. സോമരാജൻ മാസ്റ്റർ, ജില്ലാ വൈസ് പ്രസിഡൻ്റുമാരായ പി. പി. രഘുനാരായണൻ മാസ്റ്റർ, സി. സന്തോഷ് കുമാർ മാസ്റ്റർ എന്നിവർ ആശംസകളർപ്പിച്ചു.

പുതിയ വിദ്യാഭ്യാസ നയത്തെ കുറിച്ചുള്ള ചർച്ചയിൽ പ്രൊഫസർ. ഡോക്ടർ ശങ്കരനാരായണൻ പലേരി മുഖ്യ പ്രഭാഷണം നടത്തി. ജില്ലാ വൈസ് പ്രസിഡന്റ് മധു. മേനാത്ത് അധ്യക്ഷനായ ചർച്ചാ ക്ലാസിൽ പി. വിനോദൻ മാസ്റ്റർ സ്വാഗതവും കെ. ഗിലേഷ് മാസ്റ്റർ നന്ദിയും പറഞ്ഞു.

ഉച്ചയ്ക്കു ശേഷം നടന്ന സംഘടനാ വികാസത്തെ കുറിച്ചുള്ള ചർച്ചയ്ക്ക് സംസ്ഥാന സമിതിയംഗം പി.ടി. പ്രദീപ് മാസ്റ്റർ നേതൃത്വം നൽകി. ജില്ലാ വനിതാ വിഭാഗം കൺവീനർ പി.വി. ബിന്ദു ടീച്ചർ സ്വാഗതം പറഞ്ഞ സെഷന് സംസ്ഥാന സമിതിയംഗം എൻ. ജയശ്രി ടീച്ചർ നന്ദി രേഖപ്പെടുത്തി.