മുക്കം: അഞ്ച് ദിവസങ്ങളിൽ വിവിധ പരിപാടികളോടെ നടന്ന തെച്ചിയാട് അൽ ഇർഷാദ് സിൽവറൻസ് സമ്മേളനത്തിന് പ്രൗഢമായ സമാപനം. ഗ്രാൻഡ് മുഫ്തി ഓഫ് ഇന്ത്യ, സുൽത്താനുൽ ഉലമ കാന്തപുരം എ പി അബൂബക്കർ മുസ്‌ലിയാർ ഉദ്ഘാടനം ചെയ്തു. അൽ ഇർശാദിന്റെ പ്രഥമ ഹോളി ഖുർആൻ അവാർഡ് ബദറുസ്സാദാത്ത് സയ്യിദ് ഇബ്രാഹിം ഖലീലുൽ ബുഖാരി തങ്ങൾ ഏറ്റുവാങ്ങി. സയ്യിദ് അലി ബാഫഖി തങ്ങൾ, കെ കെ അഹമ്മദ് കുട്ടി മുസ്ലിയാർ കട്ടിപ്പാറ, നോളജ് സിറ്റി മാനേജിങ് ഡയറക്ടർ ഡോ. എ പി അബ്ദുൽ ഹക്കീം അസ്ഹരി, മർക്കസ് വൈസ് ചാൻസിലർ ഡോ ഹുസൈൻ സഖാഫി ചുള്ളിക്കോട്, പ്രൊഫസർ സയ്യിദ് അബ്ദുസ്സബൂർ തങ്ങൾ അവേലത്ത്, അഡ്വ പിടിഎ റഹീം എംഎൽഎ, അബ്ദുറഹ്മാൻ ദാരിമി സീഫോർത്ത്, ജി. അബൂബക്കർ, എ.പി. അൻവർ സഖാഫി, നാസർ ചെറുവാടി, പി.വി. അഹ്മദ് കബീർ, മജീദ് പുത്തൂർ, സംബന്ധിച്ചു. വി ഹുസൈൻ മേപ്പള്ളി സ്വാഗതവും ടി സി അബ്ദുറസാഖ് സഖാഫി നന്ദിയും പറഞ്ഞുഅൽ ഇർഷാദ് വിമൻസ് ആർട്സ്ആൻഡ്സയൻസ്കോളേജിന്റെ പുതുതായി നിർമ്മിക്കപ്പെട്ട സൈക്കോളജി ബ്ലോക്കിന്റെ ഉദ്ഘാടനം ശ്രീ. എം കെ രാഘവൻ എം പി നിർവഹിച്ചു. അൽ ഇർഷാദ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് മാനേജിംഗ് ഡയറക്ടർ സി കെ ഉസൈൻ മുഹമ്മദ് നീബാരി അധ്യക്ഷത വഹിച്ചു. ഓർഫനേജ് കൺട്രോൾ ബോർഡ് ചെയർമാൻ എൻ അലി അബ്ദുള്ള മുഖ്യപ്രഭാഷണം നടത്തി. ഓമശ്ശേരി ഗ്രാമപഞ്ചായത്ത് പ്രസിഡന്റ് കെ ഗംഗാധരൻ, ഒ.എം ശ്രീനിവാസൻ, അബ്ദുള്ള സഅദി ചെറുവാടി, മൻസൂർ അലി എ.പി പ്രസംഗിച്ചു. വിവിധന്യൂജൻകോഴ്സുകൾപരിചയപ്പെടുത്തിയ കരിയർ ക്ലിനിക് എസ് വൈ എസ് കോഴിക്കോട് ജില്ല സെക്രട്ടറി ഡോ. അബൂബക്കർ നിസാമി ഉദ്ഘാടനം ചെയ്തു. അൽ ഇർഷാദ് സെൻട്രൽ സ്കൂൾ പ്രിൻസിപ്പൽ പി.സി. അബ്ദുറഹ്മാൻ കരിയർ ടോക്കിന് നേതൃത്വം നൽകി. എസ് വൈ എസ് ജില്ലാ സാംസ്കാരികം സെക്രട്ടറി മജീദ് പുത്തൊടി, സോൺ സെക്രട്ടറി ഇസ്ഹാഖ് അമ്പലക്കണ്ടി സംസാരിച്ചു. വിസ്ഡം എജുക്കേഷൻ ഫൗണ്ടേഷൻ ഓഫ് ഇന്ത്യ, കോഴിക്കോട് സി ഇന്ത്യ സംഘടനകളുടെ സഹകരണത്തോടുകൂടി നടത്തിയകരിയർക്ലിനിക്കിൽ വിദ്യാർത്ഥികളുടെ ഉപരിപഠനം, ന്യൂജൻ കോഴ്സുകൾ, സ്കോളർഷിപ്പുകൾ വിഷയങ്ങളിൽ വിദ്യാർത്ഥികൾ വിദഗ്ധരുമായി സംസാരിച്ചു. ജില്ലയുടെ വിവിധ ഭാഗങ്ങളിൽ നിന്നും വിദ്യാർത്ഥികൾ പങ്കെടുത്തു. എസ് വൈ എസ് സംസ്ഥാന കമ്മിറ്റിയുടെ നേതൃത്വത്തിൽ നടത്തപ്പെടുന്ന പാരൻസ് അസംബ്ലിയുടെ കോഴിക്കോട് ജില്ലാതല ഉദ്ഘാടനവും ഇതോടൊപ്പം നടന്നു. വൈകുന്നേരം നാലുമണിക്ക് നടന്ന മഹല്ല് സാരഥി സംഗമത്തിൽ വള്ളിയാട് മുഹമ്മദലി സഖാഫി, ദഅവാ പാരൻസ് അസംബ്ലിയിൽ കൂറ്റമ്പാറ അബ്ദുറഹ്മാൻ ദാരിമി, ഇബ്രാഹിം സഖാഫി താത്തൂർ പ്രഭാഷണം നടത്തി.