കോഴിക്കോട്ട് RAG Holdings ഓഫീസ് തുറന്നു; UAE, ഖത്തർ, സിംഗപ്പൂർ വിപണികളിലേക്ക് പ്രാദേശിക സംരംഭകർക്കും തൊഴിലന്വേഷകർക്കും അവസരം

കോഴിക്കോട് | സെപ്തംബർ 01, 2026: ദുബായ് ആസ്ഥാനമായി പ്രവർത്തിക്കുന്ന ആഗോള ബിസിനസ് സേവന സ്ഥാപനമായ RAG Holdings കേരളത്തിലെ പ്രവർത്തനം വിപുലീകരിച്ച് കോഴിക്കോട് പുതിയ ഓഫീസ് തുറന്നു. ബിസിനസ് സെറ്റപ്പ്, കമ്പനി രൂപീകരണം, കോർപ്പറേറ്റ് സേവനങ്ങൾ, പ്രീമിയം വർക്ക്‌സ്‌പേസുകൾ, PRO സേവനങ്ങൾ, അന്താരാഷ്ട്ര വിപണി പ്രവേശനം തുടങ്ങിയ മേഖലകളിലാണ് RAG Holdings പ്രവർത്തിക്കുന്നത്.

പൊതുമരാമത്ത് വകുപ്പ് മന്ത്രി പി.കെ. ബഷീർ RAG Holdings, Calicut ഓഫീസ് ഉദ്ഘാടനം ചെയ്തു. RAG Holdings അണിയറ പ്രവർത്തകരും ജീവനക്കാരും ക്ഷണിക്കപ്പെട്ട അതിഥികളും ചടങ്ങിൽ പങ്കെടുത്തു.

കേരളത്തിൽ പ്രാദേശികമായി തൊഴിലവസരങ്ങൾ സൃഷ്ടിക്കുന്നതിനൊപ്പം UAE, ഖത്തർ, സിംഗപ്പൂർ, ഇന്ത്യ തുടങ്ങിയ വിപണികളിലെ അന്താരാഷ്ട്ര ബിസിനസ് പ്രവർത്തനങ്ങളുമായി കേരളത്തിലെ പ്രൊഫഷണലുകളെ ബന്ധിപ്പിക്കുകയാണ് പുതിയ കേന്ദ്രത്തിന്റെ ലക്ഷ്യമെന്ന് കമ്പനി മാനേജ്മെന്റ് അറിയിച്ചു.

മാർക്കറ്റിംഗ്, സെയിൽസ്, അഡ്മിനിസ്ട്രേഷൻ, ഡിജിറ്റൽ ഓപ്പറേഷൻസ്, കസ്റ്റമർ സപ്പോർട്ട്, ബിസിനസ് സർവീസസ് തുടങ്ങിയ മേഖലകളിൽ പുതിയ കേന്ദ്രത്തിലൂടെ ടീമുകളെ വികസിപ്പിക്കും. അന്താരാഷ്ട്ര ടീമുകളുമായി ചേർന്ന് പ്രവർത്തിക്കുന്നതിലൂടെ കേരളത്തിലെ ജീവനക്കാർക്ക് വിവിധ രാജ്യങ്ങളിലെ ബിസിനസ് രീതികൾ, കമ്പനി രൂപീകരണ നടപടികൾ, ഡിജിറ്റൽ മാർക്കറ്റിംഗ്, കോർപ്പറേറ്റ് സേവനങ്ങൾ, ക്രോസ്-ബോർഡർ ബിസിനസ് പ്രവർത്തനങ്ങൾ എന്നിവയിൽ നേരിട്ടുള്ള പരിചയം നേടാനാകുമെന്ന് RAG Holdings വ്യക്തമാക്കി.

“കോഴിക്കോട്ട് ഇരിക്കുന്ന ഒരു പ്രൊഫഷണലിന് ദുബായ്, ഖത്തർ, സിംഗപ്പൂർ, ഇന്ത്യ എന്നിവിടങ്ങളുമായി ബന്ധപ്പെട്ട അവസരങ്ങളിൽ പ്രവർത്തിക്കാനും അന്താരാഷ്ട്ര പരിചയം നേടാനും കഴിയുന്ന അന്തരീക്ഷമാണ് ലക്ഷ്യമിടുന്നത്. ആളുകൾക്ക് കേരളത്തിൽ തുടരുന്നതിനൊപ്പം കരിയർ കൂടുതൽ ആഗോളമാക്കുകയാണ് ലക്ഷ്യം,” RAG Holdings CEO റസ്സൽ അഹമ്മദ് പറഞ്ഞു.

കേരളത്തിലെ പ്രവാസി പുനരധിവാസത്തിനും തൊഴിൽ സൃഷ്ടിക്കലിനുമുള്ള സംസ്ഥാനത്തിന്റെ ശ്രമങ്ങൾക്ക് സ്വകാര്യ മേഖലയിൽ നിന്നുള്ള പിന്തുണയായാണ് കോഴിക്കോട് കേന്ദ്രത്തെ കമ്പനി അവതരിപ്പിക്കുന്നത്. വിദേശത്ത് നേടിയ അറിവും തൊഴിൽപരിചയവും കേരളത്തിലെ സംരംഭക മേഖലയിലേക്ക് എത്തിക്കുന്നതിനൊപ്പം കേരളത്തിലെ പ്രതിഭകളെ അന്താരാഷ്ട്ര വിപണികളുമായി ബന്ധിപ്പിക്കാനും പുതിയ കേന്ദ്രം സഹായിക്കുമെന്ന് RAG Holdings Managing Director മുഹമ്മദ് അസ്ലം പറഞ്ഞു.

UAE കമ്പനി രൂപീകരണം, മെയിൻലാൻഡ്, ഫ്രീസോൺ ബിസിനസ് സെറ്റപ്പ്, PRO സേവനങ്ങൾ, കോർപ്പറേറ്റ് സേവനങ്ങൾ, പ്രീമിയം വർക്ക്‌സ്‌പേസുകൾ, അക്കൗണ്ടിംഗ്, ബുക്ക് കീപ്പിംഗ്, ട്രേഡ്‌മാർക്ക് രജിസ്ട്രേഷൻ, ബിസിനസ് അഡ്വൈസറി, അന്താരാഷ്ട്ര മാർക്കറ്റ് എൻട്രി എന്നിവയാണ് RAG Holdings നൽകുന്ന പ്രധാന സേവനങ്ങൾ.

2013ൽ സ്ഥാപിതമായ RAG Holdings നിലവിൽ UAE, ഖത്തർ, ഇന്ത്യ, സിംഗപ്പൂർ എന്നിവയുൾപ്പെടെയുള്ള രാജ്യങ്ങളിൽ പ്രവർത്തിക്കുന്നു. UAEയിലെ മൂന്ന് പ്രധാന ബിസിനസ് കേന്ദ്രങ്ങളിലായി 3.5 ലക്ഷം ചതുരശ്ര അടിയിലധികം വാണിജ്യ ഇടം സ്ഥാപനത്തിനുണ്ടെന്ന് കമ്പനി അറിയിച്ചു. 5,000-ത്തിലധികം സംരംഭകരെ ബിസിനസ് ആരംഭിക്കാൻ സഹായിച്ചിട്ടുണ്ടെന്നും നിലവിൽ 9,500-ലധികം ബിസിനസുകൾക്ക് സേവനം നൽകുന്നുണ്ടെന്നും RAG Holdings അവകാശപ്പെടുന്നു.

Enlight Snapshot

Q: RAG Holdings കോഴിക്കോട് പുതിയ കേന്ദ്രം ആരംഭിച്ചതെന്തിന്?

A-കേരളത്തിലെ പ്രൊഫഷണലുകൾക്ക് അന്താരാഷ്ട്ര ബിസിനസ് മേഖലയിൽ അവസരങ്ങളും UAE, ഖത്തർ, സിംഗപ്പൂർ തുടങ്ങിയ വിപണികളുമായി പ്രവർത്തന പരിചയവും നൽകുന്നതിനാണ് RAG Holdings കോഴിക്കോട് കേന്ദ്രം ആരംഭിച്ചത്.

Q: RAG Holdings എന്തെല്ലാം സേവനങ്ങളാണ് നൽകുന്നത്?

A: ബിസിനസ് സെറ്റപ്പ്, കമ്പനി രൂപീകരണം, PRO സേവനങ്ങൾ, കോർപ്പറേറ്റ് സേവനങ്ങൾ, പ്രീമിയം വർക്ക്‌സ്‌പേസുകൾ, അക്കൗണ്ടിംഗ്, ബുക്ക് കീപ്പിംഗ്, ട്രേഡ്‌മാർക്ക് രജിസ്ട്രേഷൻ, ബിസിനസ് അഡ്വൈസറി, അന്താരാഷ്ട്ര മാർക്കറ്റ് എൻട്രി എന്നിവയാണ് പ്രധാന സേവനങ്ങൾ.

Q: RAG Holdings ആസ്ഥാനം (HQ) എവിടെയാണ്?

A: RAG Holdings-ന്റെ ആസ്ഥാനം ദുബായിലാണ്.

Q: RAG Holdings ഏത് രാജ്യങ്ങളിലാണ് പ്രവർത്തിക്കുന്നത്?

A: UAE, ഖത്തർ, ഇന്ത്യ, സിംഗപ്പൂർ തുടങ്ങിയ അന്താരാഷ്ട്ര വിപണികളിലാണ് RAG Holdings പ്രവർത്തിക്കുന്നത്.