കൊടകര പഞ്ചായത്തംഗങ്ങള്‍ സിക്കിമിലേക്ക് പഠനയാത്ര നടത്തി

09 Mar 2025 22:39 IST

Share News :

Kodakara Panchayat members made study trip to Sikkim

കൊടകര: മാലിന്യ സംസ്‌കരണവുമായി ബന്ധപ്പെട്ട് വേറിട്ട രീതികളെക്കുറിച്ച് മനസിലാക്കുന്നതിനായി കൊടകര പഞ്ചായത്തിലെ ജനപ്രതിനിധികളും ഉദ്യോഗസ്ഥരും സിക്കിമിലേക്ക് പഠനയാത്ര നടത്തി. കൊടകര പഞ്ചായത്ത് പ്രസിഡന്റ് അമ്പിളി സോമന്‍, വൈസ് പ്രസിഡന്റ് കെ.ജി.രജീഷ്, സെക്രട്ടറി ബിന്ദു ജി.നായര്‍ എന്നിവരടങ്ങിയ 21 അംഗസംഘമാണ് കിലയുടെ സഹായത്തോടെ സിക്കിം സന്ദര്‍ശിച്ചത്. ഒരാഴ്ച നീണ്ട പഠനയാത്രയില്‍ സിക്കിം സംസ്ഥാനത്തെ വിവിധ തദ്ദേശ സ്ഥാപനങ്ങള്‍ നടപ്പാക്കി വരുന്ന മാലിന്യ സംസ്‌കരണ പദ്ധതികളെക്കുറിച്ച് സംഘം മനസിലാക്കി. മാലിന്യ സംസ്‌കരണവുമായി ബന്ധപ്പെട്ട് കൊടകര പഞ്ചായത്തില്‍ നടപ്പാക്കി വരുന്ന പ്രവര്‍ത്തനങ്ങള്‍ സംബന്ധിച്ച് സിക്കിമിലെ ജനപ്രതിനിധികളു ഉദ്യോഗസ്ഥരും പങെക്ടുത്ത യോഗങ്ങളില്‍ പ്രസിഡന്റ് അമ്പിളി സോമന്‍ വിശദീകരിച്ചു.മാലിന്യ സംസ്‌കരണവുമായി ബന്ധപ്പെട്ട ബോധവല്‍ക്കരണ പരിപാടികള്‍, മാലിന്യ സംസ്‌കരണത്തിന് അവലംബിച്ച രീതികള്‍ എന്നിവയിലൂടെ പ്ലാസ്റ്റിക് വിമുക്ത സംസ്ഥാനം, ഒഡിഎഫ് പ്ലസ് വില്ലേജ് എന്നീ പദവികളിലേക്ക് സിക്കിം എത്തിച്ചേര്‍ന്നതിനെ കുറിച്ച് മനസിലാക്കാന്‍ പഠനയാത്രയിലൂടെ സാധിച്ചതായി കൊടകര പഞ്ചായത്ത് പ്രസിഡന്റ് അമ്പിളി സോമന്‍ പറഞ്ഞു.