Kaduthuruthy Gram Panchayat presented the Budget for the year 2025-26

കടുത്തുരുത്തി ഗ്രാമ പഞ്ചായത്തിന്റെ 2025-26 വര്‍ഷത്തെ ബജറ്റ് വൈസ് പ്രസിഡന്റ് ജിൻസി എൽസബത്ത് അവതരിപ്പിച്ചു. കടുത്തുരുത്തി ഗ്രാമപഞ്ചായത്തിനെ മാലിന്യമുക്തമാക്കുന്നതിനുള്ള പദ്ധതികൾ ഉൾപ്പെടുത്തിയ ബജറ്റ് പഞ്ചായത്തിനെ വയോജന സൗഹൃദം ആക്കുന്നതിനുള്ള പദ്ധതികളും കൂടി ചേർത്തിട്ടുണ്ട്. സ്ത്രീകളുടെ സമഗ്രമായ വികസനത്തിനോടൊപ്പം അവരുടെ ആരോഗ്യവും ഫിറ്റ്നസും കാത്തുസൂക്ഷിക്കുന്നതിനുള്ള പദ്ധതികളും ഉൾപ്പെടുത്തിയിട്ടുണ്ട്. കാർഷിക ക്ഷീരസംരക്ഷണ മേഖലകൾക്ക് പ്രാധാന്യം കൊടുത്തുകൊണ്ടുള്ള പുതിയ പദ്ധതികൾ ബജറ്റിൽ ഉൾപ്പെടുത്തുവാൻ സാധിച്ചിട്ടുണ്ട്. സംരംഭകത്വം പ്രോത്സാഹിപ്പിക്കുന്നതിനും സ്കിൽ ട്രെയിനിംഗിനുള്ള പദ്ധതികളും ഉൾപ്പെടുത്തിയിട്ടുണ്ട്. ഭിന്നശേഷി പദ്ധതികൾക്കൊപ്പം മാനസിക രോഗികൾക്കും വൃക്ക രോഗികൾക്കും ക്യാൻസർ ബാധിതർക്കും അതി ദരിദ്രർക്കും കൈത്താങ്ങ് നൽകുന്ന പദ്ധതികളും ബഡ്ജറ്റിൽ ഉൾപ്പെടുത്തിയിട്ടുണ്ട്. ബജറ്റിൽ 415168110 രൂപ വരവും 370338000 രൂപ ചെലവും 44830110 രൂപ മിച്ചവും പ്രതീക്ഷിക്കുന്നു. ബജറ്റ് അവതരണ യോഗത്തില്‍ ഗ്രാമപഞ്ചായത്ത് പ്രസിഡന്റ് സ്മിത എൻ. ബി ആമുഖപ്രസംഗം നടത്തി. ബ്ലോക്ക് പഞ്ചായത്ത് പ്രസിഡന്റ് ജോൺസൺ കോട്ടുകാപള്ളി മുഖ്യാതിഥിയായി. സ്റ്റാന്റിങ് കമ്മറ്റി ചെയര്‍മാന്‍മാരായ പൌളി ജോർജ്, സുമേഷ് കെ. എസ്, ശാന്തമ്മ രമേശൻ മറ്റ് വാര്‍ഡ് ജനപ്രതിനിധികള്‍, സെക്രട്ടറി സന്തോഷ് കുമാർ കെ എന്നിവർ സംസാരിച്ചു.

Tags:

enlightmedia,malayalamnews,kerala,latestnews