Joint feast day and parish day will be celebrated on May 2, 3, 4 at St. Antony's Church, Attuppuram

പുന്നയൂർക്കുളം:ആറ്റുപുറം സെന്റ് ആന്റണിസ് ഇടവക പള്ളിയിൽ വിശുദ്ധ അന്തോനീസ്,വിശുദ്ധ സെബാസ്റ്റിനോസ് എന്നിവരുടെ സംയുക്ത തിരുന്നാൾ ആഘോഷവും,ഇടവക ദിനാഘോഷവും മെയ് 2,3,4,തിയ്യതികളിലായി ആഘോഷിക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു.2-ആം തിയ്യതി(വെള്ളിയാഴ്ച്ച)വൈകീട്ട് 7-ന് വൈദ്യുതി ദീപാലങ്കാരത്തിന്റെ സ്വിച് ഓൺകർമ്മം വടക്കേകാട് എസ്എച്ച്ഒ കെ.അനിൽകുമാർ നിർവഹിക്കും.തുടർന്ന് നടക്കുന്ന ഇടവക ദിനാഘോഷ പൊതുസമ്മേളനം പാലയൂർ ഫൊറോനാ വികാരി ഫാ.ഡേവീസ് കണ്ണമ്പുഴ ഉദ്ഘാടനം ചെയ്യും.തുടർന്ന് കലാപരിപാടികളും,ട്രോഫി വിതരണവും നടക്കും.3-ആം തിയ്യതി കാലത്ത് ദിവ്യബലിയും,വിശുദ്ധരുടെ കൂടുതുറക്കൽ ചടങ്ങും,തുടർന്ന് കുടുംബ യൂണിറ്റിൽ അമ്പ്,വള എഴുന്നെള്ളിപ്പിന് തുടക്കം കുറിക്കും.രാത്രി 11-ന് എഴുന്നെള്ളിപ്പു സമാപനവും സംയുക്ത ബാന്റ് വാദ്യ ഫ്യൂഷനും അരങ്ങേറും,ഞായറാഴ്ച്ച കാലത്ത് 10.30-ന് തിരുന്നാൾ പാട്ട് കുർബ്ബാനക്ക് റവ.ഡോ.ആന്റണി കൊള്ളന്നൂർ,ഫാ.സിന്റോ തൊറയൻ,ഫാ.ഡെന്നീസ് മാറോക്കി എന്നിവർ കാർമ്മികരായിരിക്കും.ഫാ.ഫ്രാൻസിസ് വാഴപ്പുള്ളി സന്ദേശം നൽകും തുടർന്ന് കപ്പേളയിലേക്ക് പ്രദീക്ഷണ നടത്തും.രാത്രി 7-ന് ഗാനമേളയും,തിങ്കളാഴ്ച്ച കാലത്ത് പൂർവികർക്കായ് അനുസ്മരണ കുർബാനയും,സെമിത്തേരി ഒപ്പീസും നടത്തും.ആഘോഷകമ്മിറ്റി ചെയർമാനും,വികാരിമായ ഫാ.ഡെന്നീസ് മാറോക്കി,ജനറൽ കൺവീനർ ജോസ് മുട്ടത്ത്,ട്രസ്റ്റി സൈമൺ കൊള്ളന്നൂർ,ജോയിന്റ് ജനറൽ കൺവീനർ ആന്റണി പുലിക്കോട്ടിൽ,പ്രോഗ്രാം കൺവീനർ ജോഷി മേലിട്ട്,പബ്ലിസിറ്റി കൺവീനർ ഷാരോൺ വെള്ളറ എന്നിവർ വാർത്താസമ്മേളനത്തിൽ പങ്കെടുത്തു.

Tags:

enlightmedia,malayalamnews,kerala,latestnews