Jayanti Celebration, Anayootu and Spiritual Lecture of Sri Shivalingadasa Swamiji at Sri Vishwanatha Temple, Chavakkad Manathala

ചാവക്കാട്:ശ്രീനാരായണ ഗുരുദേവ പാദസ്പർശത്താൽ പവിത്രമായ ചാവക്കാട് മണത്തല ശ്രീവിശ്വനാഥ ക്ഷേത്രത്തിൽ ഗുരുദേവൻറെ പ്രഥമ സന്യാസി ശിഷ്യനായ സദ് ഗുരു ശ്രീശിവലിംഗദാസ സ്വാമികളുടെ 158-മത് ജയന്തി ദിനാഘോഷവും,ക്ഷേത്രത്തിൽ ഒരു ആനയുമായി നടത്തുന്ന പ്രത്യക്ഷ അഷ്ടദ്രവ്യ മഹാഗണപതി ഹോമവും,ആനയൂട്ടും ഭക്തിസാന്ദ്രമായി.ശിവലിംഗദാസ സ്വാമികളുടെ സമാധി മന്ദിരത്തിൽ രാവിലെ മുതൽ ശാന്തിഹവനം,നാമ സങ്കീർത്തനം,വിശേഷാൽ ഗുരുപൂജ,ഭജന,പൂമൂടൽ എന്നിവ നടന്നു.ക്ഷേത്രം തന്ത്രി നാരായണൻകുട്ടി ശാന്തി,ക്ഷേത്രം മേൽശാന്തി എം.കെ.ശിവാനന്ദൻ ശാന്തി എന്നിവർ മുഖ്യകാർമ്മികത്വം വഹിച്ചു.ക്ഷേത്രാങ്കണത്തിലുള്ള ശ്രീശിവശക്തി ഓഡിറ്റോറിയത്തിൽ നടന്ന സാംസ്‌കാരിക സദസ്സിൽ ശിവഗിരി മാസിക മാനേജർ സ്വാമി സുരേശ്വരാനന്ദ ആധ്യാത്മിക പ്രഭാഷണം നടത്തി.എസ്എസ്എൽസി,പ്ലസ് ടൂ തലത്തിൽ ഉന്നത വിജയം കരസ്ഥമാക്കിയ വിദ്യാർത്ഥികളെ അനുമോദിച്ചു.ക്ഷേത്രം മേൽശാന്തി എം.കെ.ശിവാനന്ദൻ ശാന്തിയെയും,ക്ഷേത്രത്തിന് വേണ്ടി സ്‌തുത്യർഹ സേവനം ചെയ്ത മഹത് വ്യക്തികളെയും ചടങ്ങിൽ ആദരിച്ചു.തുടർന്ന് പ്രസാദ ഊട്ടും ഉണ്ടായിരുന്നു.ശ്രീവിശ്വനാഥ ക്ഷേത്ര സമുദായ ദീപികാ യോഗം ഭാരവാഹികളായ പ്രസിഡന്റ് കുറ്റിയിൽ പ്രധാൻ,സെക്രട്ടറി കെ.ആർ.രമേഷ്,ട്രഷറർ എ.എ.ജയകുമാർ,വൈസ് പ്രസിഡന്റ്മാരായ എൻ.ജി.പ്രവീൺകുമാർ,വാക്കയിൽ മുരളീധരൻ,ജോയിന്റ് സെക്രട്ടറിമാരായ കെ.കെ.സതീന്ദ്രൻ,കെ.എസ്.അനിൽകുമാർ,ആറ്റൂർരാജൻ,എൻ.കെ.രാജൻ,കെ.എ.ബിജു,എം.എസ്.ജയപ്രകാശ്,കെ.സി.സുരേന്ദ്രൻ,പി.വി.മോഹനൻ,പി.എസ്.മോഹനൻ,പി.വി.ഷണ്മുഖൻ,പി.വി.പ്രേമൻ,യു.ആർ.സുരേഷ് തുടങ്ങിയവർ പരിപാടിക്ക് നേതൃത്വം നൽകി.