ക്വാറി, ക്രഷർ ഉൽപ്പനങ്ങളുടെ വർദ്ധനവ്: ഗവഃ കരാറുകാർ പ്രതിഷേധ ധർണ്ണ നടത്തി.

18 Jan 2025 18:11 IST

Share News :

Increase in quarry and crusher products: Govt contractors held protest dharna.

മുക്കo : ജനുവരി15 മുതൽ ക്വാറി,ക്രഷർ ഉൽപ്പന്നങ്ങൾക്ക് അന്യായമായി വില വർദ്ധിപ്പിക്കാനുള്ള തീരുമാനം പിൻവലിക്കുക എന്നാവശ്യപ്പെട്ട് കൊണ്ട് കേരളഗവൺമെൻ്റ് കോൺട്രാക്ടേഴ്സ് ഫെഡറേഷൻ മുക്കം, കുന്ദമംഗലം മേഖലാ കമ്മിറ്റികളുടെ ആഭിമുഖ്യത്തിൽ കാരശ്ശേരിയിലെ അൽഫ ക്രഷറിലേക്ക് മാർച്ചും ധർണ്ണയും സംഘടിപ്പിച്ചു.ധർണ്ണസമരം കേരള ഗവൺമെൻ്റ് കോൺട്രാക്ടേഴ്സ് ഫെഡറേഷൻ സംസ്ഥാന ട്രഷറർ ശ്രീ.പി മോഹൻദാസ് ഉൽഘാടനം ചെയ്തു..ക്വാറി,ക്രഷർ ഉൽപ്പന്ന വില വർദ്ധനവ്അന്യായമാണെന്നുo,അനീതിയാണെന്നുo, വാർഷിക പദ്ധതികളുടെ നിർവ്വഹണം ഏറ്റവും വേഗതയിൽ നടക്കുന്ന ഈ സമയത്ത് ക്വാറി,ക്രഷർ ഉടമകളുടെ അപ്രക്യാപിത വില വർദ്ധനവ് വന്നത് കരാറുകാർക്ക് വലിയ സാമ്പത്തിക ബാധ്യത വരുന്നതുമാണെന്നും, അത് കൊണ്ട് സർക്കാറിൽ നിന്നും ഏറ്റെടുത്ത പ്രവൃത്തികൾ പൂർത്തീകരിക്കാൻ കഴിയാത്ത സാഹചര്യം സൃഷ്ടിച്ചിരിക്കുകയാണ്. അതിനാൽ ഈ അനിയന്ത്രിതമായ വില വർദ്ധനവ് ഈ പദ്ധതി കാലാവധി പൂർത്തിയാക്കുന്നത് വരെ ഈ വർദ്ധനവ് അoഗീകരിക്കരുതെന്നും, സർക്കാറിനോട് അദ്ദേഹം ആവശ്യപ്പെട്ടു.

ലൈഫ് പദ്ധതിയിലെ വീട് നിർമ്മാണത്തേയും ഉൾപ്പെടെ വില വർദ്ധന ബാധിക്കുമെന്നും , നിർമ്മാണമേഖലമുഴുവനായും സതoഭനത്തിലേക്ക് നീങ്ങുന്നതാണെന്നും അദ്ദേഹം പറഞ്ഞു.

കലക്ടറുമായുള്ള ചർച്ചയിലെ അഭിപ്രായങ്ങൾ പോലും മാനിക്കാതെയാണ് ഉടമകൾ ഏകപക്ഷീയമായി വില വർദ്ധിപ്പിച്ചിരിക്കുന്നത്.

എല്ലാഉൽപ്പന്നങ്ങൾക്കും ഒരു ക്യുബിക് അടിക്ക് 8 രൂപ വീതമാണ് വർദ്ധിപ്പിച്ചിരിക്കുന്നത്. ഒരു ലോറിയിൽ 100 ക്യുബിക് അടി മെറ്റൽ കൊള്ളുമെന്ന് കണക്കാക്കുമ്പോൾ ലോഡിന് 800 രൂപയുടെ വർദ്ധന വരും. ചെറുകിട കരാറുകാർക്ക് ഇത് താങ്ങാനാകാത്ത തിരിച്ചടിയാകും.കെ ജി സി എഫ് കുന്ദമംഗലo മേഖല സെക്രട്ടറി ഇ ടി അജീഷ് അധ്യക്ഷത വഹിച്ചു. സംസ്ഥാന സെൻട്രൽ കമ്മിറ്റി അംഗം കെ എം സഹദേവൻ, ജില്ലാ പ്രസിഡൻ്റ് വി പി അരവിന്ദാക്ഷൻ, ജില്ലാ സെക്രട്ടറി പി വി ജലീലുദ്ദീൻ,ജില്ലാ ട്രഷറർ പി പ്രശാന്ത് കുമാർ,സംസ്ഥാന കമ്മിറ്റി അoഗങ്ങളായ പി സുരേന്ദ്രൻ, പി ദീപേഷ്, മുക്കം മേഖല പ്രസിഡൻ്റ് എൻ കെ രഘുപ്രസാദ്, കുന്ദമംഗലംമേഖലപ്രസിഡൻ്റ് പി രവീന്ദ്രൻ,ജില്ലാ കമ്മിറ്റി അoഗങ്ങളായ ടി ശൈലേഷ്, ആഷിഖ് പി,ലത്തീഫ് എന്നിവർ സoസാരിച്ചു. കെ ജി സി എഫ് മുക്കം മേഖല സെക്രടറി സി ടി കുഞ്ഞോയി സ്വാഗതവും, മേഖല ട്രഷറർ എ പി സുനിൽ കുമാർ നന്ദിയും പറഞ്ഞു.

Tags:

enlightmedia,malayalamnews,kerala,latestnews