Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
13 Mar 2025 19:35 IST
Share News :
കടുത്തുരുത്തി: വെള്ളാശ്ശേരിയില്‍ അടഞ്ഞു കിടക്കുന്ന വീടുകള്‍ കുത്തിതുറന്ന് മോഷണം. അടുത്തടുത്തുള്ള വീടുകളിലാണ് മോഷണം നടന്നത്. സമീപത്ത് തന്നെയുള്ള ആള്‍താമസമില്ലാത്ത മൂന്നാമത്തെ വീട്ടില്‍ മോഷ്ടാക്കള്‍ കയറിയില്ല. വെള്ളാശ്ശേരി ചെന്നക്കുടി സി.ഒ. വര്‍ഗീസിന്റെ മക്കളായ ബിജു, ഫിലിപ്പ് എന്നിവരുടെ വീടുകളിലാണ് മോഷണം നടന്നത്. സഹോദരന്‍ സാജുവിന്റെ വീടാണ് മോഷ്ടാക്കള്‍ കയറാത്തത്. വീട്ടുകാര്‍ വിദേശത്തായതിനാല്‍ വീടുകള്‍ അടച്ചിട്ടിരിക്കുകയാണ്. ബുധനാഴ്ച്ച രാത്രിയിലാണ് മോഷണം നടന്നതെന്ന് കരുതുന്നു. റെയില്‍വേ പാളത്തിനടുത്താണ് വീടുകള്‍ സ്ഥിതി ചെയ്യുന്നത്. മുന്‍വശത്തെ വാതിലുകള്‍ കുത്തി പൊളിച്ചാണ് അകത്ത് കേറിയത്. അലമാരകള്‍ തുറന്ന് തുണികള്‍ ഉള്‍പെടെ ഏല്ലാം വാരി വലിച്ചിട്ട നിലയിലാണ്. ഇന്നലെ വര്‍ഗീസ് വീടുകള്‍ക്കു സമീപമെത്തിയപ്പോഴാണ് മോഷണം നടന്ന വിവരമറിയുന്നത്. തുടര്‍ന്ന് പോലീസില്‍ വിവരമറിയിക്കുകയായിരുന്നു. സംഭവത്തില്‍ അന്വേഷണമാരംഭിച്ചതായി കടുത്തുരുത്തി എസ്എച്ച്ഒ ടി.എസ് റെനീഷ് അറിയിച്ചു
Follow us on :
Tags:
More in Related News
Please select your location.
.jpg)
.jpg)
