Guruvayur Karuna Foundation organized Karunasangamam and distribution of pensions to mothers

ഗുരുവായൂർ:കരുണ ഫൗണ്ടേഷന്റെ നേതൃത്വത്തിൽ കരുണസംഗമവും,അമ്മമാർക്കുള്ള പെൻഷൻ വിതരണവും ഗുരുവായൂർ മാതാ കമ്മ്യൂണിറ്റി ഹാളിൽ വെച്ച് നടന്നു.കരുണയുടെ പ്രാർത്ഥന ഗാനത്തോടെ ("ലോകം മുഴുവൻ സുഖം പകരാനായ്")സംഗമത്തിന് തുടക്കം കുറിച്ചു.ഗുരുവായൂർ എസിപി കെ.എം.ബിജു ഭദ്രദീപം തെളിയിച്ച് ഉദ്ഘാടനം നിർവ്വഹിച്ചു.കരുണ ഫൗണ്ടേഷൻ ചെയർമാൻ കെ.ബി.സുരേഷ് അധ്യക്ഷത വഹിച്ചു.സെക്രട്ടറി സതീഷ് വാര്യർ ചടങ്ങിൽ സ്വാഗതം പറഞ്ഞു.കരുണ ഫൗണ്ടേഷൻ വർഷങ്ങളായി നടത്തി വരുന്ന ജീവകാരുണ്യ പ്രവർത്തനങ്ങളെ ഉദ്ഘാടകൻ പ്രകീർത്തിച്ചു.മുഖ്യാതിഥിയും,സാമൂഹ്യപ്രവർത്തകനുമായ അഡ്വ.സുജിത് അയിനിപ്പുള്ളി പെൻഷൻ വിതരണം ഉദ്ഘാടനം ചെയ്തു.ഗുരുവായൂർ ലയൺസ് ക്ലബ് പ്രസിഡൻ്റ് വിനീത് മോഹൻ,ട്രഷറർ പോളി ഫ്രാൻസിസ് എന്നിവർ ചേർന്ന് കരുണയിലേക്ക് ഭിന്നശേഷിക്കാർക്കായുള്ള ഉപകരണങ്ങൾ നൽകി.ചെയർമാനും,സെക്രട്ടറിയും ചേർന്ന് അവ ഏറ്റുവാങ്ങി.ഭിന്നശേഷിക്കാർക്കുള്ള പാര ഒളിംപിക്സ് സംസ്ഥാന ജേതാക്കളായ ഇൻസൈറ്റ് സ്പെഷ്യൽ സ്കൂളിലെ വിദ്യാർത്ഥികളായ കുമാരി അയിഷ അസ്സി,ആൽബിൻ മാളിയേക്കൽ,കെ.ആർ.ശരത്ത്,കുമാരി അസുറ എന്നിവരെ മൊമെൻ്റോ നൽകി ആദരിച്ചു.ഉദ്ഘാടകനെയും, മറ്റു വിശിഷ്ട അതിഥികളെയും കരുണ ഫൗണ്ടേഷൻ ട്രഷറർ സോമശേഖരൻ പിള്ള പൊന്നാടയണിയിച്ച്‌ ആദരിച്ചു.റിട്ടയേർഡ് കെഎസ്ഇബി അസ്സിസ്റ്റൻ്റ് എഞ്ചിനീയർ പുരുഷോത്തമ പണിക്കർ,റിട്ടയേർഡ് സിൻഡിക്കേറ്റ് ബാങ്ക് മാനേജർ നന്ദകുമാർ,ലയൺസ് ക്ലബ് ഭാരവാഹികൾ എന്നിവർ ആശംസകൾ നേർന്ന് സംസാരിച്ചു.കരുണ വൈസ് ചെയർമാൻ ശ്രീനിവാസൻ ചുള്ളിപ്പറമ്പിൽ,ട്രഷറർ സോമശേഖരൻ,ജോസ് സുവർണ്ണ,കെ.സുഗതൻ,കെ.കെ.ബക്കർ,കുമാർ കുന്നംകുളം,ശക്തിധരൻ,ഗീത സുരേഷ്,സുബൈദ,ഉഷ മനയിൽ,സുനിത ടീച്ചർ,രാജലക്ഷ്മി,ഉണ്ണികൃഷ്ണൻ,ഡേവിസ് ചുങ്കത്ത്,അക്ബർ,സന്തോഷ് അയിനിപ്പുള്ളി,രാജൻ,വത്സ ജോസ് മുതലായവർ സംഗമത്തിന് നേതൃത്വം നൽകി.സംഗമത്തിന് മാറ്റുകൂട്ടുവാൻ കരുണ കുടുംബാംഗങ്ങളുടെ ഗാനമേള അരങ്ങേറി.തുടർന്ന് സദ്യയും ഉണ്ടായിരുന്നു.