കന്യാകുമാരിയിൽ കാണാതായ കോട്ടയം സ്വദേശികളായ അമേരിക്കയിൽ താമസക്കാരായ സഹോദരിമാരെ കടലിൽ മരിച്ചനിലയിൽ കണ്ടെത്തി

01 May 2026 07:38 IST

Share News :

Missing Kottayam native American sisters found dead at sea in Kanyakumari

തിരുവനന്തപുരം: കന്യാകുമാരിയിൽ കാണാതായ കോട്ടയം സ്വദേശികളായ സഹോദരിമാരെ കടലിൽ മരിച്ചനിലയിൽ കണ്ടെത്തി. കോട്ടയം കിടങ്ങൂരിലെ ഫിലിപ്പ്-മേരി ദമ്പതിമാരുടെ മക്കളായ ആനി ഫിലിപ്പ്(35) മീര ഫിലിപ്പ്(32) എന്നിവരുടെ മൃതദേഹങ്ങളാണ് വ്യാഴാഴ്ച കടലിൽ കണ്ടെത്തിയത്. കാണാതായ സഹോദരിമാർക്കായി കന്യാകുമാരി പോലീസ് വ്യാപക തിരച്ചിൽ നടത്തിവരുന്നതിനിടെയാണ് ഇരുവരെയും മരിച്ചനിലയിൽ കണ്ടെത്തിയത്.

വിദേശത്ത് ജോലിചെയ്യുന്ന ആനി ഫിലിപ്പും മീര ഫിലിപ്പും വിനോദസഞ്ചാരത്തിനായാണ് കന്യാകുമാരിയിലെത്തിയത്. വർഷങ്ങളായി വിദേശത്ത് ജോലിചെയ്യുന്ന സഹോദരിമാർ അവധിക്കാലത്ത് നാട്ടിലെത്തി ഒരുമിച്ച് യാത്രപോകുന്നത് പതിവാണ്. ഇത്തവണ മധുര, രാമേശ്വരം തുടങ്ങിയ സ്ഥലങ്ങൾ സന്ദർശിച്ചശേഷമാണ് ഇരുവരും കന്യാകുമാരിയിലെത്തിയത്. എന്നാൽ, ഏപ്രിൽ 26 മുതൽ ഇരുവരെയും കാണാതാവുകയായിരുന്നു.

കന്യാകുമാരിയിലെ ഒരു ലോഡ്ജിലാണ് ഇരുവരും താമസിച്ചിരുന്നത്. മുറിയിൽനിന്ന് പുറത്തുപോയ ഇരുവരും തിരിച്ചെത്താത്തതിനാൽ ലോഡ്ജ് ജീവനക്കാർ ഇവർ നൽകിയ നമ്പറിൽ വിളിച്ച് മാതാപിതാക്കളെ വിവരമറിയിക്കുകയായിരുന്നു. തുടർന്ന് ബന്ധുക്കൾ കന്യാകുമാരി പോലീസിൽ പരാതി നൽകി. പോലീസ് കേസെടുത്ത് തിരച്ചിൽ നടത്തിവരുന്നതിനിടെയാണ് മത്സ്യത്തൊഴിലാളികൾ വാവുതുറ ഭാഗത്ത് കടൽഭിത്തികൾക്കിടയിൽ അടിഞ്ഞനിലയിൽ രണ്ടുപേരുടെയും മൃതദേഹങ്ങൾ കണ്ടത്. തുടർന്ന് പോലീസ് സ്ഥലത്തെത്തി മൃതദേഹങ്ങൾ തിരിച്ചറിയുകയായിരുന്നു. ഇൻക്വസ്റ്റിന് ശേഷം മൃതദേഹങ്ങൾ പോസ്റ്റ്‌മോർട്ടത്തിനായി ആശാരിപ്പള്ളം ആശുപത്രിയിലേക്ക് മാറ്റി.

ആനി ഫിലിപ്പ് വിദേശത്ത് എക്‌സറേ ടെക്‌നീഷ്യനാണ്. മീര ഫിലിപ്പ് എൻജിനീയറും. ലണ്ടനിൽ താമസക്കാരിയായ എലിസബത്ത് ഫിലിപ്പ് സഹോദരിയാണ്.

കന്യാകുമാരി പൊലീസിന്റെ കണ്ടെത്തലുകൾ കണ്ടെത്തലുകൾ

ഇവർക്ക് സാമ്പത്തിക ബാധ്യകതൾ ഉണ്ടായിരുന്നില്ല
യാത്ര: രാമേശ്വരത്ത് സന്ദർശനം നടത്തിയ ശേഷമാണ് ഇവർ കന്യാകുമാരിയിൽ എത്തിയത്.
സന്ദേശം: ഏപ്രിൽ 26-ന് മാതാപിതാക്കൾക്കും സഹോദരി എലിസബത്തിനും ആത്മഹത്യാക്കുറിപ്പിന് സമാനമായ സന്ദേശങ്ങൾ അയച്ചിരുന്നു.ആ സന്ദേശം വായിച്ച് അവർ പരിഭ്രാന്തരായി പോലീസിനെ വിളിച്ചിരുന്നു
സിസിടിവി ദൃശ്യങ്ങൾ: വാവത്തുറയിലെ കടൽപ്പാലത്തിലൂടെ ഇരുവരും നടന്നുപോകുന്ന ദൃശ്യങ്ങൾ ലഭിച്ചിട്ടുണ്ട്. എന്നാൽ ഇവർ ഹോട്ടലിലേക്ക് തിരികെ എത്തിയില്ല
അന്വേഷണം: കുടുംബം നൽകിയ പരാതിയിൽ തമിഴ്‌നാട് പൊലീസ് അന്വേഷണം നടത്തിവരികയായിരുന്നു. വ്യാഴാഴ്ച രാവിലെയാണ് മൃതദേഹങ്ങൾ കണ്ടെത്തിയത്.