Ganesh Festival: Guruvayur Manjulal welcomes the idol of Lord Ganesha

ഗുരുവായൂർ;കേരള ക്ഷേത്ര സംരക്ഷണ സമിതിയുടെ ആഭിമുഖ്യത്തിൽ വിനായക ചതുർത്തിയോടനുബന്ധിച്ച് 27-ആം തിയ്യതി(ബുധനാഴ്ച്ച) നടത്തുന്ന ഗണേശോത്സവത്തിന്റെ ഭാഗമായി നിമജ്ജനം ചെയ്യുന്നതിനുള്ള പ്രധാന ഗണപതി വിഗ്രഹത്തിന് ഗുരുവായൂർ മഞ്ജുളാൽ പരിസരത്ത് സ്വീകരണം നൽകി.വിവിധ ക്ഷേത്ര സമിതികൾക്ക് വേണ്ടിയും വിവിധ രാഷ്ട്രീയ സാമുദായിക സാംസ്കാരിക സംഘടനകൾക്ക് വേണ്ടിയും വിഗ്രഹത്തിൽ ഹാരാർപ്പണം നടത്തി.തുടർന്ന് നടന്ന പൊതുയോഗത്തിൽ കേരള ക്ഷേത്ര സംരക്ഷണ സമിതിയുടെ ഗണേശോത്സവ സ്വാഗതസംഘം രക്ഷാധികാരി ടി.വി.ശ്രീനിവാസൻ മുഖ്യപ്രഭാഷണം നടത്തി.ആഘോഷ സമിതി ജനറൽ കൺവീനർ അഡ്വ.കെ.എസ്.പവിത്രൻ അധ്യക്ഷത വഹിച്ചു.കേരള ക്ഷേത്ര സംരക്ഷണ സമിതിയുടെ ജില്ലാ ജോയിന്റ് സെക്രട്ടറി പി.വത്സലൻ,മാതൃസമിതി ജില്ലാ പ്രസിഡന്റ് പുഷ്പ പ്രസാദ്,ടി.പി.മുരളി,മുകുന്ദരാജ,ജയരാമൻ,രഘു ഇരിങ്ങപുറം,എം.വി.രവീന്ദ്രനാഥ്,എ.ഒ.ജഗന്നിവാസൻ,ദീപക് പ്രകാശ് മുതലായവർ സംബന്ധിച്ചു. തുടർന്ന് താലങ്ങളുടെയും,വാദ്യമേളങ്ങളുടെയും അകമ്പടിയോടെ വിഗ്രഹം ഗുരുവായൂർ ശ്രീകൃഷ്ണ ക്ഷേത്രത്തിന്റെ കിഴക്കേനടയിൽ പ്രത്യേകം സജ്ജമാക്കിയ വേദിയിൽ സ്ഥാപിച്ചു.തുടർന്ന് നാലുദിവസം തുടർച്ചയായി ഗണപതിഹോമവും,മറ്റ് പൂജകളും വിഗ്രഹത്തിൽ നടത്തുന്നതും ബുധനാഴ്ച്ച നടത്തുന്ന മഹാശോഭയാത്രയ്ക്ക് ശേഷം ചാവക്കാട് ദ്വാരക ബീച്ചിൽ വിഗ്രഹം ജില്ലയുടെ മറ്റുഭാഗങ്ങളിൽ നിന്ന് കൊണ്ടുവരുന്ന മറ്റു വിഗ്രഹങ്ങളോടൊപ്പം നിമജ്ജനം ചെയ്യും.