Election: LDF fully equipped in Kottayam

കോട്ടയം: തിരഞ്ഞെടുപ്പിൽ കോട്ടയം ജില്ലയിൽ മത്സരിക്കുന്നതിന് എൽഡിഎഫ് പൂർണ സജ്ജം. ജില്ലാ പഞ്ചായത്തിലേക്ക് മത്സരിക്കുന്ന സ്ഥാനാർത്ഥികളെ പ്രഖ്യാപിച്ചു. ജില്ലയിലെ എല്ലാ പഞ്ചായത്ത്, മുൻസിപ്പൽ വാർഡുകളും തെരഞ്ഞെടുപ്പിന് ഒരുങ്ങിക്കഴിഞ്ഞു. എൽഡിഎഫ് എല്ലാ ഘടക കക്ഷികളുമായി ചർച്ച ചെയ്‌ത്‌ ജില്ലാ പഞ്ചായത്ത് സ്ഥാനാർത്ഥികളെ തീരുമാനിച്ചു. ജില്ലാ പഞ്ചായത്തിൽ ആകെയുള്ള 23 ഡിവിഷനിൽ സിപിഐഎം – 9, കേരള കോൺഗ്രസ് എം – 9, സിപിഐ -4, ഒരു പൊതു സ്വതന്ത്രൻ എന്ന ക്രമത്തിലാണ് മത്സരിക്കുക. ജില്ലയിലെ മറ്റ് ത്രിതല പഞ്ചായത്തുകളിൽ മത്സരിക്കുന്ന സ്ഥാനാർഥികളും പ്രചരണ രംഗത്ത് സജീവമായി കഴിഞ്ഞു.

മുൻസിപ്പാലിറ്റികളിലും ബ്ലോക്ക് പഞ്ചായത്തുകളിലും ചർച്ച പൂർത്തിയായി. സ്ഥാനാർത്ഥികളെ അതാത് സ്ഥലങ്ങളിൽ ഉടനെ പ്രഖ്യാപിക്കും. 71 ഗ്രാമ പഞ്ചായത്തുകളിലും ചർച്ച പൂർത്തീകരിച്ച് മുന്നണികൾ സ്ഥാനാർത്ഥികളെ പ്രഖ്യാപിച്ച് വരികയാണ്. നവംബർ 18നും 19നും എൽഡിഎഫ് സ്ഥാനാർത്ഥികൾ നാമനിർദ്ദേശ പത്രിക സമർപ്പിക്കും.

2025 തദ്ദേശ തിരഞ്ഞെടുപ്പ് ജില്ലാ പഞ്ചായത്ത് എൽഡിഎഫ് സ്ഥാനാർത്ഥികൾ

1.പാമ്പാടി - ഡാലി റോയി

2.മുണ്ടക്കയം - കെ. രാജേഷ്

3.പുതുപ്പള്ളി - പ്രീതി എൽസാ ജേക്കബ്ബ്

4.കുറിച്ചി - സുമാ എബി

5.കുമരകം - അഡ്വ. അഗ്രിസ് സദാശിവൻ

6.തൃക്കൊടിത്താനം - മഞ്ചു സുജിത്ത്

7.തലയാഴം - ആനന്ദു ബാബു

8.വെള്ളൂർ - രഞ്ചുഷ ഷൈജി

9.പൊൻകുന്നം - ബി. സുരേഷ്‌ കുമാർ

10.കാഞ്ഞിരപ്പള്ളി - ജോളി മടുക്കക്കുഴി

11.എരുമേലി - ഷിജിമോൾ തോമസ്