കൂവ കർഷകരുടെ സംഗമം

കൂവ കർഷകരുടെ സംഗമം

പറവൂർ: കളമശ്ശേരി മണ്ഡലത്തിൽ മന്ത്രി പി രാജീവിൻ്റെ നേതൃത്വത്തിൽ നടപ്പിലാക്കുന്ന കൃഷിക്കൊപ്പം കളമശ്ശേരി പദ്ധതിയുടെ ഭാഗമായി നടത്തുന്ന രണ്ടാമത് കാർഷികോത്സവ സെമിനാറുകൾക്ക് തുടക്കമായി.

മാട്ടുപുറം ഐഡിയൽ ട്രസ്റ്റ് ഹാളിൽ നടന്ന കൂവ കർഷകരുടെ സംഗമം മന്ത്രി പി രാജീവ് ഉദ്ഘാടനം ചെയ്തു. കരുമാല്ലൂർ പഞ്ചായത്ത് പ്രസിഡൻ്റ് ശ്രീലത ലാലു അധ്യക്ഷയായി. മാഞ്ഞാലി സർവീസ് സഹകരണ ബാങ്കിന് കീഴിലെ കൂവ, പഴം, പച്ചക്കറി കർഷകരുടെ സംഗമം ജില്ലാ പഞ്ചായത്ത് വൈസ് പ്രസിഡൻ്റ് എൽസി ജോർജ് ഉദ്ഘാടനം ചെയ്തു. കാർഷികോത്സവത്തിൻ്റെ ഭാഗമായി മണ്ഡലത്തിൻ്റെ വിവിധ പ്രദേശങ്ങളിൽ കർഷക സെമിനാറുകൾ നടക്കും.

ആലങ്ങാട് ബ്ലോക്ക് പഞ്ചായത്ത് പ്രസിഡൻ്റ് രമ്യ തോമസ്, പഞ്ചായത്ത് പ്രസിഡൻ്റുമാരായ സുരേഷ് മുട്ടത്തിൽ, പി എം മനാഫ്, സൈന ബാബു, ജില്ലാ പഞ്ചായത്തംഗം കെ വി രവീന്ദ്രൻ, കരുമാല്ലൂർ പഞ്ചായത്ത് വൈസ് പ്രസിഡൻ്റ് ജോർജ് മേനാച്ചേരി, മാഞ്ഞാലി സഹകരണ ബാങ്ക് പ്രസിഡൻ്റ് പി എ സക്കീർ, സംസ്ഥാന സഹകരണ യൂണിയനംഗം വി എം ശശി, എം കെ ബാബു, വി പി അനിൽകുമാർ, കൃഷിക്കൊപ്പം കളമശ്ശേരി കോർഡിനേറ്റർ എം പി വിജയൻ, കൃഷി ഉദ്യോഗസ്ഥരായ ഇന്ദു പി നായർ, എൽസ ഗെയിൽസ്, സഹകരണ ബാങ്ക് പ്രസിഡൻ്റുമാർ, ജനപ്രതിനിധികൾ എന്നിവർ സംസാരിച്ചു.