Corruption and mismanagement in Thayolaparamba panchayat; Jana Raksha Yatra commenced under the leadership of Mandalam Congress Committee.

തലയോലപ്പറമ്പ്: സാധാരണക്കാരുടെ ജീവിത പുരോഗതിക്ക് മുൻഗണന നൽകാതെ ഓരോ പദ്ധതി വിഹിതവും സി പി എം നേതാക്കളുടെ നേട്ടത്തിനായി അടിച്ചു മാറ്റുകയാണെന്നും ശബരിമലയിലെ സ്വർണ്ണക്കൊള്ളയ്ക്ക് ദേവസ്വം മന്ത്രിയും ബോർഡും ജനങ്ങളോട് മറുപടി പറയേണ്ടി വരുമെന്നും കെ പി സി സി ജനറൽ സെക്രട്ടറി അഡ്വ.ടോമി കല്ലാനി. തലയോലപ്പറമ്പ് പഞ്ചായത്തിലെ അഴിമതിക്കും ദുർഭരണത്തിനും കെടുകാര്യസ്ഥതയ്ക്കുമെതിരെ തലയോലപ്പറമ്പ് മണ്ഡലം കോൺഗ്രസ് കമ്മറ്റിയുടെ നേതൃത്വത്തിൽ നടത്തിയ ജനരക്ഷായാത്ര ഉദ്ഘാടനം ചെയ്യുകയായിരുന്നു അദ്ദേഹം. വെട്ടിക്കാട്ട് മുക്ക് ജംഗ്ഷനിൽ നിന്നും ആരംഭിച്ച പദയാത്രയിൽ ജാഥാ ക്യാപ്റ്റൻ മണ്ഡലം കോൺഗ്രസ് പ്രസിഡൻ്റ് കെ.ഡി ദേവരാജന് ടോമി കല്ലാനി പതാക കൈമാറി. ബ്ലോക്ക് കോൺഗ്രസ് പ്രസിഡൻ്റ് എം.കെ ഷിബു, യു ഡി എഫ് കൺവീനർ ബി.അനിൽകുമാർ, അഡ്വ.പി.പി സിബിച്ചൻ, ജയ് ജോൺ, വി.കെ ശശിധരൻ, വി.ടി ജയിംസ്, വിജയമ്മ ബാബു, കുമാരി കരുണാകരൻ, എം.വി മനോജ്, എം.ജെ ജോർജ്ജ്, കെ.കെ ഷാജി, പി.കെ ജയപ്രകാശ്, എം.അനിൽകുമാർ, പി.എം മക്കാർ തുടങ്ങിയവർ പ്രസംഗിച്ചു. ബ്ലോക്ക്, മണ്ഡലം കോൺഗ്രസ് ഭാരവാഹികൾ, വാർഡ് പ്രസിഡൻ്റുമാർ, പോഷക സംഘടന ഭാരവാഹികൾ പ്രവർത്തകർ അടക്കം നൂറ് കണക്കിന് പേർ പദയാത്രയിൽ അണിനിരന്നു. വൈകിട്ട് തലയോലപ്പറമ്പ് സെൻട്രൽ ജംഗ്ഷനിൽ നടന്ന ആദ്യദിന പദയാത്രയുടെ സമാപന സമ്മേളനം കെ.പി.സി.സി രാഷ്ട്രീയകാര്യ സമിതി അംഗം കെ.സി ജോസഫ് ഉദ്ഘാടനം ചെയ്തു.

Tags:

തലയോലപ്പറമ്പ് പഞ്ചായത്തിലെ അഴിമതിയും ദുർഭരണവും; മണ്ഡലം കോൺഗ്രസ് കമ്മറ്റിയുടെ നേതൃത്വത്തിൽ ജനരക്ഷായാത്രയ്ക്ക് തുടക്കം.

More in Related News