Chalakudy Municipality takes back those who dumped garbage on the road.

ചാലക്കുടി :

ദേശീയപാതയോരത്ത് ലോറിയിൽ കൊണ്ട് വന്ന് കേടായ പഴവർഗ്ഗങ്ങളും മറ്റു മാലിന്യങ്ങളും തള്ളിയവരെ കണ്ടെത്തിയതിനെ തുടർന്നാണ്,

നഗരസഭ അധികൃതർ എത്തി മാലിന്യങ്ങൾ നിക്ഷേപിച്ചവരെ കൊണ്ട് തന്നെ തിരിച്ചെടുപ്പിക്കുകയും,

മേലാൽ ഇത്തരം പ്രവർത്തികൾ ആവർത്തിക്കുകയില്ല എന്ന് രേഖാമൂലം എഴുതി വാങ്ങുകയും പിഴ അടപ്പിക്കുകയും ചെയ്തത്.

പോട്ടയിലെ പാപ്പാളി ജംഗ്ഷന് സമീപത്ത് ഉച്ചയോടെ ലോറിയിൽ കൊണ്ടുവന്ന കേടായ ഓറഞ്ചും വൈക്കോൽ വേസ്റ്റും നിക്ഷേപിക്കുന്നതായി ഷാജു കാച്ചപ്പിള്ളി എന്ന നഗരസഭ ഓഫീസിൽ അറിയിച്ചതിനെ തുടർന്നാണ്,

ആരോഗ്യ വിഭാഗം ഉദ്യോഗസ്ഥർ സ്ഥലത്തെത്തി വാഹനം കൈയ്യോടെ

പിടികൂടിയത്.

വണ്ടിക്കാരെ കൊണ്ട് തന്നെ റോഡരുകിൽ തള്ളിയ മാലിന്യം തിരിച്ച് വണ്ടിയിൽ കയറ്റിച്ചതിന് ശേഷം വണ്ടി,

നഗരസഭ ഓഫീസിൽ എത്തിച്ചു.

മേലാൽ ഇത്തരം പ്രവർത്തി ആവർത്തിക്കുകയില്ല എന്ന് രേഖാമൂലം എഴുതി വാങ്ങിയതിന് ശേഷം സെക്രട്ടറി കെ.പ്രമോദിൻ്റെ നിർദ്ദേശപ്രകാരം 5000/- രൂപ പിഴ അടപ്പിച്ചു.

തമിഴ്നാട് രജിസ്ട്രേഷനിൽ പെട്ട വാഹനത്തിലാണ് മാലിന്യം നിക്ഷേപിച്ചത്.

ആരോഗ്യ വിഭാഗം ഉദ്യോഗസ്ഥരായ ദിജി, സജീഷ്, സിനോ മരിയ എന്നിവരാണ് നടപടികൾക്ക് നേതൃത്വം നൽകിയത്.

Tags:

Chalakudy Municipality takes back those who dumped garbage on the road. enlightmedia,malayalamnews,kerala,latestnews