Chalakudy Government ITI 1991-93 Meeting of Machinist Bach Family Sangham

ചാലക്കുടി ഗവ. ഐ.ടി.ഐ 1991-93 മെഷിനിസ്റ്റ് ബാച്ച് ഫാമിലി കൂട്ടായ്മയുടെ സംഗമം

ചാലക്കുടി ഗവ. ഐ.ടി.ഐ 1991-93 മെഷിനിസ്റ്റ് ബാച്ച് ഫാമിലി കൂട്ടായ്മയുടെ സംഗമം സൗഹൃദം 2024 എന്ന പേരില്‍

ഐ. ടി. ഐ. ഹാളില്‍ സംഘടിപ്പിച്ചു.സ്റ്റാഫ് സെക്രട്ടറി കെ.കെ. അയ്യപ്പന്‍ ഉദ്ഘാടനം ചെയ്തു. ഐ.ടി.ഐ. റിട്ടയേര്‍ഡ് സീനിയര്‍ അദ്ധ്യാപകന്‍ എം.എ..പോള്‍ അധ്യക്ഷത വഹിച്ചു.ഐ.ടി.ഐ. റിട്ടയേര്‍ഡ് പ്രിന്‍സിപ്പാള്‍ കെ.കെ. മുസ്തഫ മുഖ്യ പ്രഭാഷണം നടത്തി. സുരേഷ് കടുപ്പശ്ശേരി ക്കാരന്‍ ആമുഖ പ്രഭാഷണം നടത്തി.. സ്വാഗത സംഘം ചെയര്‍മാന്‍ ജോഫി ജോസ് സ്വാഗതവും , കണ്‍വീനര്‍ ലൈജു വര്‍ഗ്ഗീസ് നന്ദിയും പറഞ്ഞു.

ബാച്ച് അംഗങ്ങളായിരുന്ന കൊരട്ടി സ്റ്റേഷനിലെ എസ്.ഐ. സി. പി.ഷിബുവിനേയും തൃശൂര്‍ വെസ്റ്റ് സ്റ്റേഷനിലെ എസ്.ഐ. ഉണ്ണികൃഷ്ണനേയും ചടങ്ങില്‍ ഷാള്‍ അണിയിച്ച് ആദരിച്ചു.2023/24 ലെ അഖിലേന്ത്യാ ട്രെയ്ഡ് ടെസ്റ്റില്‍ ഫസ്റ്റ് റാങ്ക് കരസ്ഥമാക്കിയ ചാലക്കുടി ഐ.ടി.ഐ യിലെ കെ.കെ സഞ്ജയ് കുമാറിനെ അനുമോദിച്ചു.കൂട്ടായ്മഅംഗങ്ങളുടെ മക്കളില്‍ എസ്.എസ്.എല്‍.സി, പ്ലസ് ടു പരീക്ഷകളില്‍ മികച്ച വിജയം നേടിയവരേയും അനുമോദിച്ചു.ചാലക്കുടി ഐ.ടി.ഐ എന്‍.എസ്.എസ് യൂണിറ്റിന് കൂട്ടായ്മവാങ്ങിയ ഉപകരണങ്ങള്‍ മുന്‍ അധ്യാപകന്‍ പി.പി. രവീന്ദ്രന്‍ മാസ്റ്ററില്‍ നിന്ന് ചാലക്കുടി ഐ.ടി.ഐ.ലെ അദ്ധ്യാപകരായ കെ.കെ. അയ്യപ്പന്‍, പി. സി. അജീഷ് കുമാര്‍ എന്നിവര്‍ ഏറ്റുവാങ്ങി. ജോയ് മംഗലന്‍, അശോക് കുമാര്‍. കെ , ഷിബു. സി.പി; ജയപ്രകാശ് ചക്ക മീത്തില്‍, റെസിന്‍ . വി .ഡി;ഷമ്മി പനയ്ക്കല്‍, മറിയാമ പോള്‍, ജോബി ജോസഫ് എന്നിവര്‍ സംസാരിച്ചു.