Brochure of Bharani Mahothsavam released at the historic Kozhikkulangara Bhagavathy Temple

ചരിത്രപ്രസിദ്ധമായ കോഴിക്കുളങ്ങര ഭഗവതി ക്ഷേത്രത്തിൽ ഭരണി മഹോത്സവത്തിന്റെ ബ്രോഷർ പ്രകാശനം ചെയ്തു

17 Nov 2024 18:13 IST

Share News :

Brochure of Bharani Mahothsavam released at the historic Kozhikkulangara Bhagavathy Temple

ചാവക്കാട്:ചരിത്രപ്രസിദ്ധമായ കോഴിക്കുളങ്ങര ഭഗവതി ക്ഷേത്രത്തിൽ ഭരണി മഹോത്സവത്തിന്റെ ബ്രോഷർ പ്രകാശനം ചെയ്തു.ക്ഷേത്രാങ്കണത്തിൽ വെച്ച് നടന്ന പരിപാടിയിൽ ബ്രോഷറിന്റെ ആദ്യകോപ്പി മേൽശാന്തി ശ്രീപതി എമ്പ്രാന്തിരിക്ക് ക്ഷേത്രോത്സവാഘോഷ കമ്മിറ്റി പ്രസിഡന്റ് സുരേഷ് പുതുമന കൈമാറി.ഭരണസമിതിക്ക് വേണ്ടി പ്രശസ്ത കവിയും,സാഹിത്യകാരനുമായ രാധാകൃഷ്ണൻ മാസ്റ്റർ കാക്കശ്ശേരിയും,മാതൃസമിതിക്ക് വേണ്ടി മാതൃസമിതി സെക്രട്ടറി ഗീതാ ബാബുവും,ക്ഷേത്രം ജീവനക്കാർക്ക് വേണ്ടി ക്ഷേത്രം മാനേജർ കെ.വിദ്യസാഗറും ബ്രോഷർ ഏറ്റുവാങ്ങി.2025 ഫെബ്രുവരി 5 ബുധനാഴ്ച്ചയാണ് ഭരണി മഹോത്സവം.ക്ഷേത്രോത്സവ കമ്മിറ്റിയുടെ നേതൃത്വത്തിൽ ക്ഷേത്രം ഭരണസമിതി അംഗങ്ങളുടേയും,ജീവനക്കാരുടേയും,മാതൃസമിതി അംഗങ്ങളുടേയും,ഭക്തജനങ്ങളുടേയും സാന്നിധ്യത്തിലാണ് ബ്രോഷർ പ്രകാശനം നടന്നത്.ഉത്സവാഘോഷ കമ്മിറ്റി ഭാരവാഹികളായ വൈസ് പ്രസിഡന്റ് സേതുമാധവൻ,സെക്രട്ടറി അനൂപ് കണ്ടംമ്പുള്ളി,ജോയിന്റ് സെക്രട്ടറി സൽജികുമാർ കണ്ടംമ്പുള്ളി,ട്രഷറർ മഹേഷ് കല്ലായി എന്നിവർ പരിപാടിക്ക് നേതൃത്വം നൽകി.തുടർന്ന് പ്രഭാത ഭക്ഷണവും,പായസ വിതരണവും ഉണ്ടായിരുന്നു.