Avanur Talent Library with Separate Activities

അവണൂർ:ആരും ചെയ്യാത്ത, വേറിട്ട സംഭവങ്ങൾ ചെയ്യുന്നതിലൂടെയാണ് അവണൂർ പ്രതിഭ ലൈബ്രറി ആൻ്റ് റീഡിംഗ് റൂം വ്യത്യസ്തമാകുന്നത്. അത്തരം പ്രവർത്തനങ്ങളിൽ ഒരു പടി കൂടി മുന്നിൽ നിൽക്കുന്നതായിരുന്നു കഴിഞ്ഞ ദിവസം സംഘടിപ്പിച്ച പത്രവിതരണക്കാരുടെ ഒത്തുചേരൽ.

തപാൽ ദിനം , സൈക്കിൾ ദിനം, റേഡിയോ ദിനം എന്നിവ നടത്തി, അതിൽ താല്പര്യമുള്ളവരുടെ ഒത്തുചേരൽ സംഘടിപ്പിച്ച് പ്രതിഭ പ്രശംസ നേടിയിരുന്നു. അതിൽ നിന്ന് വ്യത്യസ്തമായിരുന്നു പത്രവിതരണക്കാരുടെ ഒത്തുചേരൽ.

ജനുവരി 29 ൻ്റെ ഇന്ത്യന്‍ വര്‍ത്തമാന പത്രദിനത്തിൻ്റെ ഭാഗമായിട്ടാണ് ഒത്തു ചേരൽ ഒരുക്കിയത്. മഞ്ഞും, മഴയും വകവെക്കാതെ ജീവിതത്തിൻ്റെ പ്രതിസന്ധികളെ അതിജീവിച്ച്, അതിപുലർച്ചെക്ക് പത്രം കെട്ടുകൾ എടുത്ത്, വിതരണം ചെയ്യുന്നതിൻ്റേയും, ജോലിയിൽ നിന്നും, സമൂഹത്തിൽ നിന്നും കിട്ടുന്ന നൊമ്പരങ്ങളുടേയും, ചെറു സന്തോഷങ്ങളുടേയും അനുഭവങ്ങൾ അവർ പങ്കുവെച്ചു.

ഗ്രാമ പഞ്ചായത്ത് സ്ഥിരം സമിതി അദ്ധ്യക്ഷൻ എൻ.കെ. രാധാകൃഷ്ണൻ ഉദ്ഘാടനം ചെയ്തു. പി. ജി. ഉണ്ണികൃഷ്ണൻ അദ്ധ്യക്ഷനായിരുന്നു. മുതിർന്ന പത്ര വിതരണക്കാരായ

കെ.ആർ. കൃഷ്ണൻ കുട്ടി , ടി.കെ. സുബ്രഹ്മണ്യൻ എന്നിവരെ ആദരിച്ചു. എ. സുരേഷ് കുമാർ, എം.കെ. അനിൽകുമാർ എന്നിവർ പൊന്നാടയണിയിച്ചു. സി. ആർ. രാജേഷ്, ബാബു ജോണി, വി.വി. ദേവരാജൻ , പി.കെ. ഉണ്ണികൃഷ്ണൻ, വി.കെ. മുകുന്ദൻ, വി.വി. സിജു,മുഹമ്മദ് അറയ്ക്കൽ, പി.വി. സൈമി , എ. ഒ. ഷാജു, എം.കെ.പ്രകാശ്, പി.വി. സുരേഷ് എന്നിവർ സംസാരിച്ചു.

ജയൻ അവണൂർ സ്വാഗതവും വി.വി. അനിൽകുമാർ നന്ദിയും പറഞ്ഞു.

Tags: