At Sampalur Pilgrimage Centre, Thirunalai Kodiyeri.

സമ്പാളൂർ : കൊടുങ്ങല്ലൂർ കോട്ടപ്പുറം രൂപത, ചരിത്ര പ്രസിദ്ധമായ സമ്പാളൂർ തീർത്ഥാടന കേന്ദ്രത്തിൽ, തിരുനാൾ കൊടിയേറി. വൈകിട്ട് 5 മണിക്ക് ഇടവകതിരുനാൾ പ്രസുദേന്തിമാരുടെയും, ഊട്ടുതിരുനാൾ പ്രസുദേന്തിമാരുടെയും വാഴ്ച നടത്തി, തുടർന്ന് പ്രസുദേന്തിമാരുടെയും, അൾത്താരബാലന്മാരുടെയും, കൊമ്പ്രേരിയ അംഗങ്ങളുടെയും അകമ്പടിയോടെ, ബഹുമാനപ്പെട്ട വൈദികർ, പ്രദക്ഷിണമായി ചെന്ന്, തിരുനാൾ കൊടിയേറ്റത്തിനായി അണിനിരന്നു. ബഹു. സമ്പാളൂർ വികാരി റവ. ഡോ. ഫാ. ജോൺസൻ പങ്കേത്ത് തിരുനാളിനു കൊടിയേറ്റി. തുടർന്ന് ആഘോഷപൂർവ്വമായ തിരുനാൾ ദിവ്യബലി നടത്തപ്പെട്ടു. മുഖ്യകാർമികത്വം വഹിച്ചത്, റവ. ഫാ. മാത്യു ഡിക്കുഞ്ഞ ആയിരുന്നു.,,,ഫാ.ബിജു പാലപറമ്പിൽ,

ഫാ.കുര്യൻ മാരാംപറമ്പിൽ,

ഫാ.ആന്റണി കോപ്പുണ്ടാശ്ശേരി എന്നിവർ സഹകാർമ്മികരായിരുന്നു. സഹവികാരി റെക്സൻ പങ്കേത്ത് അച്ചനും, ഡീക്കൻ സെബിയും തിരുകർമ്മങ്ങൾക്ക് നേതൃത്വം നൽകി.ഇന്ന് ചരിത്രവിശേഷമാർന്ന അനുഗ്രഹത്തിന്റെ ഊട്ടുതിരുനാൾ ദിനം. 6.30 ന് ദിവ്യബലി, നൊവേന, ലദീഞ്ഞ്, ഊട്ടുനേർച്ച ആശിർവാദം, തുടർന്ന് വിശ്വാസികൾക്കായി ഊട്ടുനേർച്ച നല്കുന്നു. 3.30 വരെ ആയിരിക്കും ഊട്ടുനേർച്ച കൊടുക്കുക. 9.30 ന് പൊന്തിഫിക്കൽ ദിവ്യബലി, വരാപ്പുഴ അതിരൂപത മുൻ മെത്രാപ്പൊലീത്താ. ഡോ. ഫ്രാൻസിസ് കല്ലറയ്ക്കൽ മുഖ്യകാർമ്മികത്വം വഹിക്കും. നാളെ 6- ആം തിയതി, ഇടവക ദിനവും, മതസൗഹാർദ്ദസമ്മേളനം, ഡയാലിസിസ് രോഗികൾക്കായി "കാരുണ്യ കരസ്പർശനം" പദ്ധതിയുടെ ഉദ്ഘാടനവും നടത്തും, റവന്യൂ വകുപ്പ് മന്ത്രി കെ. രാജൻ ഉത്ഘാടനകൻ ആയിരിക്കും. 7- ആം തിയതി, 2025 ലെ പ്രസുദേന്തി വാഴ്ച ദിനം, 8-ആം തിയതി വിശുദ്ധന്റെ തിരുനാൾ ദിനത്തിൽ, രാവിലെ 5 മണിക്ക്, വിശുദ്ധന്റെ തിരുസ്വരൂപം എഴുന്നുള്ളിക്കൽ, പൊങ്കാല നേർച്ച ആശീർവാദം, 9 മണിക്ക്, പൊന്തിഫിക്കൽ ദിവ്യബലി, മുഖ്യകാർമികത്വം വഹിക്കുന്നത്, അഭിവന്ദ്യ അംബ്രോസ് പുത്തൻവീട്ടിൽ പിതാവാണ്. 15-ആം തിയതി എട്ടാമിടവും, 22- ആം തിയതി പതിനഞ്ചാമിടവും നടത്തപ്പെടുന്നു.

Tags: