Assistant Professor of Surgery Department at Kottayam Medical College was found hanging inside his house at Vaikkathu.

വൈക്കം: കോട്ടയം മെഡിക്കൽ കോളേജിലെ ജനറൽ സർജറി വിഭാഗത്തിലെ അസി.പ്രഫസറെ വീടിനുള്ളിൽ തൂങ്ങി മരിച്ച നിലയിൽ കണ്ടെത്തി. കോട്ടയം മെഡിക്കൽ കോളേജ് ആശുപത്രിയിലെ അസി.പ്രഫസർ വൈക്കം വെള്ളൂർ ചെറുകരപാലത്തിനു സമീപം കുന്നത്തൂർ വീട്ടിൽ ഡോ.ജൂബേൽ ജെ.കുന്നത്തൂരിനെ(36)യാണ് വീടിനുള്ളിൽ തൂങ്ങി മരിച്ച നിലയിൽ കണ്ടെത്തിയത്. ഇന്ന് രാവിലെ 7 മണിയോടെയാണ് സംഭവം.ഡിപ്രഷൻ അടക്കുള്ള ബുദ്ധിമുട്ടുകൾ ഇദ്ദേഹം നേരിട്ടിരുന്നതായി ബന്ധുക്കൾ പറയുന്നു. ജൂബേലും മാതാപിതാക്കളുമാണ് വെള്ളൂരിലെ വീട്ടിൽ താമസിക്കുന്നത്. രാവിലെ പള്ളിയിൽ പോയ മാതാപിതാക്കൾ തിരികെ ഏഴരയോടെ മടങ്ങിയെത്തിയപ്പോൾ വീട് പൂട്ടിക്കിടക്കുന്നത് കണ്ടെത്തി. തുടർന്ന്, ഇവർ വിവരം നാട്ടുകാരെ അറിയിക്കുകയായിരുന്നു. നാട്ടുകാരുടെ സഹായത്തോടെ വീട് കുത്തിത്തുറന്ന് അകത്ത് പ്രവേശിച്ചപ്പോഴാണ് കിടപ്പുമുറിയിൽ ജൂബലിനെ തൂങ്ങി നിൽക്കുന്നതായി കണ്ടെത്തിയത്. ഉടൻ തന്നെ പൊതിയിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. വെള്ളൂർ പോലീസ് സ്ഥലത്തെത്തി മേൽനടപടികൾ സ്വീകരിച്ചു. ജൂബേലിൻ്റെ ഭാര്യയും ഡോക്ടറാണ്. കോയമ്പത്തൂരിൽ എംഡിയ്ക്ക് പഠിക്കുകയാണ്. ദമ്പതികൾക്ക് ഒരു കുട്ടിയുമുണ്ട്. കുട്ടി ഇപ്പോൾ തൊടുപുഴയിൽ ജൂബേലിന്റെ ഭാര്യവീട്ടിലാണ് താമസിക്കുന്നത്. ഭാര്യയുമായി കുറച്ച് നാളായി അകന്ന് കഴിയുകയായിരുന്നു. മൃതദേഹം ഇൻക്വസ്റ്റ് അടക്കമുള്ള നടപടികൾ പൂർത്തിയാക്കിയ ശേഷം കോട്ടയം മെഡിക്കൽ കോളേജ് ആശുപത്രിയിൽ എത്തിച്ച് പോസ്റ്റ്മോർട്ടം ചെയ്യും.

Tags:

കോട്ടയം മെഡിക്കൽ കോളേജിലെ സർജറി വിഭാഗം അസി.പ്രഫസറെ വൈക്കത്ത് വീടിനുള്ളിൽ തൂങ്ങി മരിച്ച നിലയിൽ കണ്ടെത്തി.

More in Related News