The young man tried to attack by throwing a knife after he trampled the conductor who questioned him for not taking the bus ticket.

തലയോലപ്പറമ്പ്: ബസ്സ് ടിക്കറ്റ് എടുക്കാതെ യാത്ര ചെയ്തത് ചോദ്യം ചെയ്ത കണ്ടക്ടറെ ചവിട്ടി വീഴ്ത്തിയ ശേഷം യുവാവ് കത്തി വീശി ആക്രമിക്കാൻ ശ്രമിച്ചു. തിങ്കളാഴ്ച വൈകിട്ട് 5 മണിയോടെ തലയോലപ്പറമ്പ് വടയാർ ജംഗ്ഷനിലാണ് സംഭവം. തലയോലപ്പറമ്പിൽ നിന്നും വൈക്കത്തേക്ക് പോകുകയായിരുന്ന സ്വകാര്യ ബസ്സിലാണ് ആക്രമണം. പൊട്ടൻചിറ ജംഗ്ഷനിൽ നിന്നും യുവാവ് ബസ്സിൽ കയറിയ ഉടനെ ടിക്കറ്റുമായി കണ്ടക്ടർ അടുത്ത് ചെന്നപ്പോൾ തൊട്ടടുത്ത സ്റ്റോപ്പിൽ ഇറങ്ങൻ ഉള്ളതിനാൽ ടിക്കറ്റ് ആവശ്യമില്ലെന്ന് പറയുകയും ചോദ്യം ചെയ്ത കണ്ടക്ടറെ ചവിട്ടി വീഴ്ത്തുകയുമായിരുന്നു.ഇതിനിടെ ബസ് വടയാർ ജംഗ്ഷനിൽ എത്തിയപ്പോൾ യുവാവ് ചാടി പുറത്തിറങ്ങുകയും കൈയ്യിൽ കരുതിയിരുന്ന കത്തി എടുത്ത് കണ്ടക്ടർക്ക് നേരെ വീശുകയായിരുന്നു. ഇത് കണ്ട് ബസ്സിലുള്ള മറ്റ് യാത്രക്കാരും ഭയപ്പെട്ട് ബഹളം വച്ചു.തുടർന്ന് മറ്റ് ബസ് ജീവനക്കാർ ഓടി എത്തി യുവാവിനെ കൈകാര്യം ചെയ്താണ് കണ്ടക്ടറെ യുവാവിൻ്റെ ആക്രമണത്തിൽ നിന്നും രക്ഷപ്പെടുത്തിയത്.ഇതിനിടെ ആക്രമിയായ യുവാവ് സ്ഥലത്ത് നിന്നും ഓടിപ്പോവുകയായിരുന്നു. തുടർന്ന് ബസ്സ് യാത്ര തുടർന്നു. ആക്രമണം നടത്തിയ മറവൻതുരുത്ത് ഇടവട്ടം സ്വദേശിയായ യുവാവ് മദ്യലഹരിയിലായിരുന്നുവെന്നും ഇയാൾക്കെതിരെ ആക്രമണം ഉൾപ്പടെ നിരവധി കേസ്സുകൾ ഉള്ളതായാണ് അറിയുന്നത്.

Tags:

ബസ്സ് ടിക്കറ്റ് എടുക്കാത്തത് ചോദ്യം ചെയ്ത കണ്ടക്ടറെ ചവിട്ടി വീഴ്ത്തിയ ശേഷം യുവാവ് കത്തി വീശി ആക്രമിക്കാൻ ശ്രമം.

More in Related News