The fire brigade rescued the drowning by trapping his hand inside the concrete machine.

മുക്കം: കോൺക്രീറ്റ് കുഴക്കുന്ന മെഷീനുള്ളിൽ കൈ കുടുങ്ങിയ തൊഴിലാളിയെ മുക്കം അഗ്നിരക്ഷാ സേന രക്ഷപ്പെടുത്തി. ബുധനാഴ്ച ഉച്ചക്ക് രണ്ട് മണിയോടെ താഴെ ഓമശ്ശേരിയിൽ ആണ് സംഭവം. ഓമശ്ശേരി -കൊടുവള്ളി റോഡിന്റെ സൈഡ് കോൺക്രീറ്റ് ജോലിക്കെത്തിയ നന്മണ്ട സ്വദേശി മണ്ണാറക്കണ്ടി റഫീക്ക്(51) എന്നയാളാണ് അപകടത്തിൽ പെട്ടത്. ഉച്ചഭക്ഷണത്തിനായി ജോലി നിർത്തി മെഷീൻ വൃത്തിയാക്കുന്നതിനിടെ മിക്സർ മെഷീന്റെ റൊട്ടേറ്റിംഗ് വീലിന്റെ പൽചക്രത്തിനുള്ളിലേക്ക് കൈപ്പത്തി കയറിപ്പോകുകയായിരുന്നു. ഓടിക്കൂടിയ നാട്ടുകാർ രക്ഷപ്പെടുത്താൻ സാധിക്കാത്തതിനാൽ മുക്കം അഗ്നിരക്ഷാസേനയെവിവരറിയിക്കുകയായിരുന്നു. സ്റ്റേഷൻ ഓഫീസർ എം അബ്ദുൽ ഗഫൂറിന്റെ നേതൃത്വത്തിൽ സ്ഥലത്തെത്തിയ അഗ്നിരക്ഷാ സേന ഹൈഡ്രോളിക് സ്‌പ്രെഡർ ഉപയോഗിച്ച് നിമിഷനേരം കൊണ്ട് രക്ഷപ്പെടുത്തുകയായിരുന്നു. സീനിയർ ഫയർ ഓഫീസർ എൻ രാജേഷ്, സേനാംഗങ്ങളായ എം സി സജിത്ത് ലാൽ, കെ അഭിനേഷ്, ജി ആർ അജേഷ്, എം കെ അജിൻ, എൻ ശിനീഷ്, അനു മാത്യു, ശ്യാം കുര്യൻ, ജോളി ഫിലിപ്പ്, കെ എസ് വിജയകുമാർ എന്നിവരാണ് രക്ഷാ പ്രവർത്തനം നടത്തിയത്. ഓമശ്ശേരി ശാന്തി ഹോസ്പിറ്റലിൽ എത്തിച്ച ഇദ്ദേഹത്തെ വിദഗ്ധ ചികിത്സക്കായി കോഴിക്കോട് ബേബി മെമ്മോറിയൽ ഹോസ്പിറ്റലിലേക്ക് മാറ്റിയിട്ടുണ്ട്.

Tags:

enlightmedia,malayalamnews,kerala,latestnews