Temples BPCL accident; two of the smokers remain under treatment

കൊച്ചി: അമ്പലമുകളിലെ കൊച്ചിന്‍ റിഫൈനറിയിലുണ്ടായ അപകടത്തിന് പിന്നാലെ പുക ശ്വസിച്ച 2 പേർ ഇപ്പോഴും ചികിത്സയിൽ.

കോലഞ്ചേരി മെഡിക്കൽ ഹോസ്പിറ്റലിലാണ് ഇവരെ പ്രവേശിപിപ്പിച്ചത്. ഇന്നലെ രാത്രി പുക ശ്വസിച്ച 30 ലധികം പ്രദേശവാസികളാണ് ചികിത്സ തേടിയത്.

ബിപിസിഎൽ കൊച്ചിൽ റിഫൈനറിയിലെ ഹൈടെൻഷൻ ലൈനിൽ ഇന്നലെ രാത്രിയാണ് തീപിടുത്തം ഉണ്ടായത്.

പിന്നാലെ പ്രദേശമാകെ പുകയും ദുർഗന്ധവുമുയർന്നു. പുക ശ്വസിച്ച പ്രദേശവാസികൾക്ക് ശ്വാസതടസ്സവും ദേഹാസ്വസ്ത്യവുമുണ്ടായി. ബിപിസിഎൽ തൊഴിലാളികൾക്കും ആരോഗ്യ പ്രശ്നങ്ങളുണ്ടായി. ഇതോടെ റിഫൈനറിക്ക് മുന്നിൽ നാട്ടുകാർ പ്രതിഷേധിച്ചു.

ബിപിസിഎൽ അധികൃതർ അപകട മുന്നറിയിപ്പ് നൽകിയില്ലെന്നും സുരക്ഷ മുൻകരുതലുകളിൽ വീഴ്ച സംഭവിച്ചുവെന്നും ആരോപിച്ചായിരുന്നു പ്രതിഷേധം.ബിപിസിഎൽ ഗേറ്റിന് മുന്നിലെ റോഡും പ്രതിഷേധക്കാർ ഉപരോധിച്ചു. പോഞ്ഞാശ്ശേരി- ചിത്രപ്പുഴ റോഡിൽ പ്രതിഷേധത്തെ തുടർന്ന് ഗതാഗതം തടസ്സപ്പെട്ടു. ബെന്നി ബെഹനാൻ എം പി,ഡെപ്യൂട്ടി കളക്ടർ തുടങ്ങിയർ നാട്ടുകാരുമായി ചർച്ച നടത്തിയ ശേഷമാണ് പ്രതിഷേധം അവസാനിപ്പിച്ചത്. ഇന്ന് ജില്ലാ കളക്ടറുടെ സാന്നിധ്യത്തിൽ പ്രതിഷേധക്കാരും ബിപിസിഎൽ അധികൃതരുമായി ചർച്ച നടക്കും.

Tags:

enlightmedia,malayalamnews,kerala,latestnews